Jol qaýipsizdigin kúsheıtý maqsatynda Jambyl oblysynda «Qaýipsiz jol» respýblıkalyq jedel aldyn-alý is-sharasy ótkizilip jatyr, dep habarlaıdy Egemen.kz.
Reıdtik is-sharanyń alǵashqy kúni polısııa qyzmetkerleri jol erejesin buzýdyń 626 deregin anyqtaǵan. Ereje buzǵandardyń ishinde 4 azamat mas kúıinde kólik quralyn basqarǵany belgili bolyp otyr.
«Jol erejelerin saqtamaǵan júrgizýshiler az emes. Máselen, qaýipsizdik beldigin taqpaǵandar sany - 82, manevr jasaý erejelerin buzǵandardyń sany - 33, sondaı-aq kólik quralyn basqarý kezinde uıaly telefondy paıdalanǵany úshin 24 júrgizýshi ákimshilik jaýapkershilikke tartyldy», deıdi Jambyl oblystyq PD JPQB bastyǵynyń orynbasary Orynbasar Jaldyǵaraev.
Budan bólek jolaýshylardy zańsyz tasymaldaýdyń 3, jolaýshylardy, baǵajdy jáne júkti tasymaldaý erejelerin buzýdyń 5 deregi anyqtalǵan. Uzyn sany 30 avtokólik aıyp turaǵyna qoıylǵan.
Jambyl oblysy