Osy jyldyń aqpan aıynda ǵana Almaty oblysynyń polıseı̆leri birneshe mal urlyǵyna qatysy bar úsh qylmystyq topty ustady. Jedel sharalardyń nátıjesinde 10 adam anyqtalyp, olardyń toǵyzy ýaqytsha ustaý ızolıatoryna qamaldy, dep jazady Egemen.kz.
«Sońǵy operasııa 22 aqpanda boldy. Polısııaǵa Uzynaǵash aýylynyń turǵyny qorasynan bes jylqynyń urlanǵany týraly aryzdandy. Keltirilgen shyǵyn 5 mıllıon teńgeni qurady. Jedel-izdestirý is-sharalary barysynda 32 jáne 34 jastaǵy eki kúdikti ustaldy. Olar qamaýǵa alynyp, urlanǵan mal ıesine qaı̆taryldy», dep habarlady polısııada.
Sonymen qatar, Kegen aýdanynda serııalyq jylqy urysy quryqtaldy. Ol 35 jastaǵy jergilikti turǵyn bolyp shyqty. Málimetterge sáı̆kes, ol toǵyz bas maldy urlap, ony úshinshi tulǵalarǵa qaı̆ta satqan. Satyp alýshylar osy derekti rastaǵannan keı̆in, kúdikti óz kinásin moı̆yndady. Jalpy shyǵyn 4 mıllıon teńgeden asty.
Polısııanyń habarlaýynsha, jyl basynan beri Jambyl aýdanynyń aýmaǵynda mal urylarynyń úsh toby joı̆ylyp, olar jasaǵan 20 epızod dáleldengen. Atalǵan qylmystyń nátıjesinde 460 bas mal qoldy bolǵan.
«Bizdiń qyzmetkerlerdiń jedel jumysynyń arqasynda kúdiktiler satyp úlgermegen mal tárkilenip, ıelerine qaı̆taryldy. Qaı̆tarylǵan maldyń jalpy quny 13 mıllıon teńgeden asty», dep tolyqtyrdy vedomstvoda.
Quqyq qorǵaý organdary sharýa qojalyqtarynyń ıelerine óz múlkin qorǵaý úshin qosymsha qaýipsizdik sharalaryn qoldanýdyń mańyzdylyǵyn eskertedi. Polısııa azamattardy kúdikti adamdar men mal urlyǵy týraly oqıǵany dereý habarlaýǵa shaqyrady. Esińizde bolsyn, quqyq qorǵaý organdaryna ýaqtyly júginý qylmystyń «izin sýytpaı̆» ashylý jáne urlanǵan múlikti ıelerine qaı̆tarý múmkindigin aı̆tarlyqtaı̆ arttyrady.