«Qazaq gazetteri» seriktestiginde qazaq baspasózine eleýli eńbek sińirip, zeınet demalysyna shyqqan birqatar azamatqa qurmet kórsetildi. Sondaı-aq jańa qyzmetke taǵaıyndalyp jatqan jýrnalısterge «sát sapar» aıtyldy. Jıyndy Bas dırektor Dıhan Qamzabekuly júrgizdi, dep habarlaıdy Egemen.kz.
Ujym basshysy qazaq jýrnalıstıkasynyń aǵa býyn ókilderi Samat Musa, Tóreǵalı Táshen, Jańabek Toıbazarovty zeınet demalysyna shyǵýymen quttyqtady.
«Memleketimizdiń aqparattyq saıasatyn tıimdi nasıhattaýǵa, eldik tuǵyrdy bekitýge súbeli úles qostyńyzdar. Qoǵamnyń túıtkilderin zerdelep, kókeıkesti taqyryptardy qaýzaǵan izdenisterińizdiń nátıjesi búginde otandyq baspasóz tarıhynda eleýli oryn alady. Iskerlik qabilet pen shyǵarmashylyqtaǵy kásibılikterińizdiń arqasynda mekemeniń órkendeýine belsene úles qostyńyzdar. «Qazaq gazetteri» ujymynyń atynan sizderge zor densaýlyq, shańyraqtaryńyzǵa baq-bereke, aldaǵy bastamalaryńyzǵa tabys tileımiz!», dedi D. Qamzabekuly.
Sonymen qatar Dıhan Qamzabekuly Almaty qalasy basylymdarynyń basshysy Serik Sarybaıǵa, «Ana tili» gazetiniń ınternet-redaksııa bóliminiń basshysy Maqsat Málikke alǵys bildirip, oldardyń jańa qyzmetine sáttilik tiledi.
Jıyn sońynda qurmet ıeleri arnaýly alǵys hatpen marapattaldy.