ALMATY. 4 mamyr. «Almaty» qonaq úıiniń fasadynda Reıhstag ǵımaratyna Tý tikken qazaq batyry Rahymjan Qoshqarbaevqa arnalǵan memorıaldy taqta qoıyldy. Soǵys ardageri 20 jyldan astam osy qonaq úıdiń dırektory qyzmetin atqarǵan. Bul týraly inform.kz habarlady.
Mıtıngige qatysýshylar tarıhqa bir sát tereń úńilip, Rahymjan Qoshqarbaev jaıly estelikter aıtty. Onyń maıdan dalasyndaǵy erligin búgingi urpaqqa úlgi-ónege retinde baıandady.
150-shi atqyshtar dıvızııasynyń jaýyngerlik is-qımyl áreketteriniń kitabynda «1945 jyly, 30 sáýir kúngi 14 saǵat 25 mınýt kezinde leıtenant Rahymjan Qoshqarbaev pen qatardaǵy jaýynger Grıgorıı Býlatov ǵımarattyń ortalyq bóligine jer baýyrlap baryp, kire-beris baspaldaqqa Qyzyl týdy tikti»,–dep jazylǵan. Sol kezde ólimge bas tikken qos jaýyngerdiń erligi erekshe eskerilip, ekeýi de Keńes Odaǵynyń Batyrǵy ataǵyna usynylǵan. Alaıda, leıtenant Rahymjan Qoshqarbaev Qyzyl Tý ordenimen marapattaldy.
Tarıhı shyndyq Qazaqstan Táýelsizdik alǵannan keıin ǵana ǵumyrlyq saltanat qurdy. Reıhstagqa Tý tikken qazaq batyryna 1999 jyly Qazaqstan Respýblıkasynyń Prezıdenti Nursultan Nazarbaevtyń Jarlyǵymen «Halyq qaharmany» ataǵy berildi.
Talǵat Súıinbaı.
Derek, sýret: inform.kz.