Sınoptıkterdiń boljamynsha naýryz aıynda aýa raıy qubylmaly bolady. Degenmen alǵashqy onkúndikte respýblıkalyq barlyq óńirinde kún jylynady, ońtústik aımaqta aýa temperatýrasy +20 gradýsqa deıin kóteriledi, dep habarlaıdy Egemen.kz.
Jalpy bıyl naýryzda kún raıy ádettegiden jyly bolady dep boljanyp otyr.
- Bir aıdaǵy ortasha aýa temperatýrasy Qazaqstannyń búkil aýmaǵynda normadan 2 gradýsqa joǵary bolady. Respýblıkanyń basym bóliginde jaýyn-shashyn qalypty normadan kóp jaýady. Ásirese, elimizdiń ońtústik-batys, ońtústik óńirlerinde normadan asady, - dep habarlady Qazgıdromet.
Sınoptıkter naýryzdyń alǵashqy onkúndiginde kún jylynyp, elimizdiń ońtústiginde aýa temperatýrasy +20 gradýsqa deıin kóteriletinin aıtady. Alaıda ile-shala kún kúrt sýytýy múmkin ekenin de joqqa shyǵarmaıdy.
Ekinshi onkúndikte respýblıkanyń soltústik óńirlerinde aýa temperatýrasy túnde -10-15 gradýstan -5+3 gradýsqa deıin, kúndiz -2-13 gradýstan +2+10 gradýsqa deıin bolmaq. Al ońtústik aımaqtarda túnde -5+5 gradýstan +2+10 gradýsqa deıin, kúndiz +3+8 gradýstan +10+20 gradýsqa deıin bolady.
Úshinshi onkúndikte Qazaqstannyń basym aýmaǵynda jyly aýa raıy saqtalady.
Jalpy, mamandar aı kóleminde aýa raıy qubylmaly bolady dep boljam jasap otyr.