QOSTANAI. 4 mamyr. Qostanaıda ádil sot 200 myń para alǵan sheneýnikke onyń kólemine 60 ese artyq, ıaǵnı 12 mıllıon teńge aıyp saldy jáne memlekettik qyzmette isteý quqyǵynan ómir boıy aıyrdy. Bul týraly egemen.kz tilshisi habarlady.
Qostanaı qalasyndaǵy salt-joralar qyzmetin kórsetetin «Stıks» jaýapkershiliginiń eks-dırektory Berik Quramysov qala turǵyny Maksım Chýesenkodan qalalyq beıittegi Dańq alleıasyna jerlengen ákesi molasynyń qorshaýyn kishireıtpeý úshin 200 myń teńge para suraǵan. Maksım oǵan kelisken bolady da, ony polısııaǵa habarlaıdy. B.Quramysov óziniń kabınetinde ustalady. Odan 200 myń teńge men taǵy da 15200 dollar tabylady.
Sotta Quramysov kinásin moıyndady. Sot oǵan alǵan parasynan 60 ese artyq aıyp saldy, Iаǵnı endi ol 12 mıllıon teńge aıyp pul tóleıdi, sonymen qatar kabınetinen tabylǵan 15200 dollar aqsha da memleket paıdasyna tárkilendi. Eń bastysy, sot sheshimimen endi Quramysovqa memlekettik qyzmet esigi máńgi jabyldy.
Názıra Járimbetova.
Derek, sýret: ng.kz