ASTANA. 4 mamyr. Memleket basshysynyń Jarlyǵymen Nurtaı Ábiqaev Qazaqstan Respýblıkasy Ulttyq qaýipsizdik komıtetiniń tóraǵasy bolyp qaıta taǵaıyndaldy. Bul týraly akorda.kz habarlady.
Nurtaı Ábiqaev 1947 jyly 15 mamyrda Almaty oblysy, Jambyl aýdany, Jambyl aýylynda týǵan. Reseıdiń Sverdlovsk qalasyndaǵy (qazirgi Ekaterınbýrg) Ýralsk polıtehnıkalyq ınstıtýtyn, Almaty Joǵary partııa mektebin, Reseı Federasııasy Prezıdenti janyndaǵy Reseı memlekettik qyzmet akademııasyn bitirgen.
Ekonomıka ǵylymdarynyń doktory, Reseı jaratylystaný ǵylymdary akademııasynyń akademıgi. Dıplomatııalyq rangi – tótenshe jáne ókiletti elshi. Áskerı ataǵy – general-maıor. Qazaqstan Respýblıkasy Ulttyq qaýipsizdik komıtetiniń qurmetti qyzmetkeri. Qazaqstan Respýblıkasy Qaýipsizdik keńesiniń múshesi.
Ulttyq qaýipsizdik komıtetiniń tóraǵasy qyzmetin 2010 jyldyń 23 tamyzynan beri atqaryp keledi.
Elaman Qońyr.
Derek: akorda.kz.
Sýret: knb.kz.