8 naýryz qarsańynda Ulttyq qaýipsizdik komıtetiniń Shekara qyzmeti alǵash ret áskerı qyzmetshiler arasynda «Shekara arýy – 2025» fotobaıqaýyn ótkizdi. Instagram jelisindegi «shekaraknb» vedomstvolyq paraqshasynda daýys berý qorytyndysy boıynsha aǵa serjant N.T.Tóleýhanova fotobaıqaý jeńimpazy atandy, dep habarlaıdy Egemen.kz.
Astanada UQK Shekara qyzmetiniń ortalyq apparatynda Halyqaralyq áıelder kúni merekesine arnalǵan saltanatty shara barysynda baıqaý qorytyndysy jarııalandy.
Sulýlyq baıqaýyna elimizdiń barlyq aımaqtarynan barlyǵy 22 úmitker qatysty.
Úshinshi oryndy 825 977 laık jınaǵan Qostanaı oblysynyń áskerı qyzmetshisi kishi serjant J.M. Esentemırova ıelendi.
Ekinshi oryndy 952 032 upaı jınaǵan Jambyl oblysynyń áskerı qyzmetshisi kishi serjant G.Ú. Iskakova jeńip aldy.
«Shekara arýy – 2025» fotobaıqaýynyń jeńimpazy bolyp 1 064 486 laık jınaǵan Almaty qalasynan synǵa túsken aǵa serjant N.T. Tóleýhanova tanyldy.
Jeńimpazdy anyqtaý úshin UQK Shekara qyzmetiniń Instagram áleýmettik jelisindegi resmı paraqshasynda daýys berý jarııalanǵan bolatyn, onda árbir oqyrman óziniń súıikti áskerı qyzmetshisine óz daýysyn bere alady.
Fotobaıqaý jarııalanǵannan keıin barlyq shekara bólimsheleri qyzyǵýshylyq tanytyp laıyqty úmitkerlerin usyndy.Qatysýshylardyń barlyǵy «Shekara arýyna»laıyq sulýlar.
«Shekara arýy – 2025» fotobaıqaýy vedomstvo ishinde de, odan úlken aýqymdy qamtyp qoǵam arasynda keńinen taraldy. Mundaı is-sharalar áıelderdiń áskerı saladaǵy mańyzdylyǵy men rólin arttyrýǵa yqpal etedi, olardyń eldiń qorǵanysy men qaýipsizdigine qosqan mańyzdy úlesin aıqyndaıdy jáne qoǵamnazary men qurmetin arttyrady.