Jambyl oblysynda qańǵybas ıtter 10 jastaǵy balany talap tastady, dep habarlaıdy Egemen.kz.
Oqıǵa 25 aqpanda bolǵan. Bala sabaqtan úıine qaıtyp kele jatqan kezde úıiniń janynda birneshe qańǵybas ıt tap berip, talap tastaı jazdaǵan.
Bala shuǵyl túrde ortalyq aýdandyq aýrýhanaǵa jetkizildi. Dárigerler balanyń kóp jeri jaraqattanǵanyn aıtty. Onyń basynyń samaı tusynan, mańdaıy, eki beti men murny jaraqat alǵan.
«Bala aýrýhanaǵa túsken kezde alǵashqy medısınalyq kómek kórsetildi. Jaralary óńdelip, antıbıotıkter taǵaıyndaldy. Psıholog pen oftalmolog dárigerler balanyń ata-anasyna keńes berip, ony búgin úıine shyǵardy. Qazir jaǵdaıy qanaǵattanarlyq», – dedi Baızaq aýdanynyń ákimi Oljas Baqqaraev.