Kolorado shtatynyń Denver qalasyndaǵy áýejaıda American Airlines áýe kompanııasynyń ushaǵy qozǵaltqyshyndaǵy aqaýǵa baılanysty órtenip ketken, dep habarlaıdy Egemen.kz Fox News telearnasyna silteme jasap.
Aqparatqa sáıkes, jolaýshylar ushaq qanaty arqyly evakýasııalanǵan. Ushaq Kolorado-Sprıngs áýejaıynan Dallas halyqaralyq áýejaıyna baǵyt alǵan, biraq májbúrli túrde Denver áýejaıyna qonǵan.
«Denver halyqaralyq áýejaıyna (DEN) sátti qonǵannan keıin, American Airlines kompanııasynyń 1006-reısinde qozǵaltqysh aqaýy paıda boldy. Ushaqtaǵy 172 jolaýshy men 6 ekıpaj múshesi ushaqtan evakýasııalandy», delingen áýe kompanııasynyń málimdemesinde.
Qazirgi tańda oqıǵanyń mán-jaıy anyqtalyp jatyr.