Memleket basshysynyń Býrabaıda ótken Ulttyq quryltaıda sıfrlandyrý jáne jasandy ıntellekt máseleleri boıynsha jasaǵan málimdemesi óte ózekti ári ýaqyt talabyna saı. Jasandy ıntellekt salasy mamany retinde aıtarym, Prezıdent Qasym-Jomart Toqaev sıfrlyq tehnologııalar men jasandy ıntellektini elimizdiń strategııalyq basymdyqtary qataryna jatqyza otyryp, der kezinde naqty mindetterdi aıqyndap berdi.
Prezıdenttiń málimetterdi saqtaý jáne óńdeý úshin qýatty jeliler qurý týraly usynysy otandyq jasandy ıntellektiniń damýynda derekter ınfraqurylymynyń mańyzdylyǵyn naqty túsinetinin kórsetedi.
Jasandy ıntellekti tehnologııalaryn jappaı engizý jáne sıfrlandyrý úderisteriniń energetıkalyq áleýetke tikeleı táýeldi ekenin atap ótken Prezıdent sózimen tolyq kelisemin. Sebebi jasandy ıntellekt ınfraqurylymynyń turaqty damýy energetıkalyq turaqtylyqty qajet etedi. Osy turǵydan alǵanda elimizdiń elektr qýatyn óndirýde ózin-ózi qamtamasyz etip, eksportqa shyǵarýshy elge aınalý jospary óte oryndy.
Prezıdenttiń joǵary tehnologııalardy memlekettik basqarýdyń barlyq salasyna engizý týraly mindeti elimizdiń tehnologııalyq damýy men básekege qabilettiligin arttyrýǵa zor múmkindik beredi. Alaıda bul úshin naqty quqyqtyq, tehnıkalyq jáne adam kapıtalyn damytý boıynsha memlekettik deńgeıde júıeli jumys qajet.
Sonymen qatar Memleket basshysynyń atap ótken tórt negizgi baǵyty – sıfrlandyrý jáne jasandy ıntellekt, kólik tasymaly, energetıka, agroónerkásip kesheni jáne adam kapıtaly – elimizdiń ınnovasııalyq damýynyń keshendi strategııasy ekenin kórsetedi. Osy salalardy jasandy ıntellekt tehnologııasymen biriktirý arqyly Qazaqstan aımaqtyq qana emes, jahandyq deńgeıdegi tehnologııalyq kóshbasshyǵa aınala alady.
Jalpy, Memleket basshysynyń osy málimdemesi elimizdiń aldaǵy jyldardaǵy sıfrlyq transformasııasy men jasandy ıntellekt salasynyń damýyna berik negiz qalaıdy.
Meıirjan ÁÝELHANULY,
IT sarapshy