Memlekettik keńesshi Erlan Qarın elimizge jumys saparymen kelgen О́zbekstan Respýblıkasy Prezıdentiniń kómekshisi Saıda Mırzııoevamen júzdesti, dep habarlaıdy Egemen.kz akorda.kz saıtyna silteme jasap.
Kezdesýde taraptar mádenı-gýmanıtarlyq saladaǵy eki jaqty qarym-qatynastyń ózekti máselelerin, sondaı-aq birlesken jobalardy júzege asyrý perspektıvasyn talqylady. Mádenıet jáne óner salasyndaǵy yqpaldastyqty tereńdetý ári tájirıbe almasý máselelerine basa nazar aýdaryldy.
Erlan Qarın Qazaqstanda júrgizilip jatqan ózgerister, sonyń ishinde Prezıdent Qasym-Jomart Toqaevtyń Ulttyq quryltaıdyń Býrabaıda ótken IV otyrysynda kótergen jańa bastamalary týraly aıtty.
Jumys sapary aıasynda eki el arasyndaǵy mádenı dıalogty damytýǵa baǵyttalǵan is-sharalar uıymdastyrylady. Atap aıtqanda, Erlan Qarın men Saıda Mırzııoeva Á. Naýaı atyndaǵy О́zbekstan memlekettik opera jáne balet Úlken teatrynyń «Lazgı. Tanes dýshı ı lıýbvı» atty qoıylymyn tamashalady. Sonymen qatar sýretshi Oral Tańsyqbaevtyń keskindemelik jáne grafıkalyq jumystarynyń kórmesi ótedi.
Kezdesý qorytyndysy boıynsha taraptar mádenı-gýmanıtarlyq saladaǵy tyǵyz yntymaqtastyqty jalǵastyrýǵa ýaǵdalasty.