«Taza Qazaqstan» respýblıkalyq baǵdarlamasy jáne «Almaty – bizdiń ortaq úıimiz» qalalyq naýqany aıasynda plastıkalyq qaqpaqtardy jınaý aksııasynyń kelesi kezeńi bastaldy.
Ekologııa jáne plastıkalyq qaldyqtardy qaıta óńdeý máselelerine nazar aýdarý, óskeleń urpaqtyń qorshaǵan ortanyń tazalyǵy men saqtalýy úshin jaýapkershiligin qalyptastyrýdy maqsat etken aksııaǵa qalanyń mektep oqýshylary, mektepke deıingi bilim berý mekemeleriniń tárbıelenýshileri qatysady. Jınalǵan qaqpaqtardy oqýshylar qala aýdandaryndaǵy kez kelgen kommýnaldyq ortalyqtarǵa nemese Markov kóshesi, 44 mekenjaıda ornalasqan EcoNetwork Eko-habyna tapsyra alady.
Byltyr aksııa aıasynda qalanyń 200-den astam mektepteri men balabaqshalarynyń qatysýymen 1,26 mıllıonnan astam plastıkalyq qaqpaq jınaldy.
ALMATY