Astanada Tilderdi damytý jáne arhıv isi basqarmasynyń uıymdastyrýymen Naýryznamanyń on kúndigi aıasynda «Aq bata» baıqaýy ótti, dep jazady Egemen.kz.
Ulttyq muramyzdy ulyqtaý maqsatynda ótkizilgen baıqaýǵa elordalyq 7 aqsaqal qatysyp, birinshi kezeńde batanyń 7 túri boıynsha (naýryz bata, alǵys bata, otaý bata, balaǵa bata, jolaýshyǵa bata, as bata, toı bata) óner kórsetse, ekinshi kezeńde salt-dástúrge qatysty suraqtarǵa jaýap berdi.
Qazylar alqasynyń sheshimimen birinshi oryndy 77 jastaǵy Mekebaı Kákenuly, ekinshi oryndy Aıdarbek Qarjaýuly, úshinshi oryndy 77 jastaǵy Ratqan Álipbaev jeńip aldy, belsene qatysqan qarııalar Tastybaı Sákenuly, Ermek Hamzauly, Mamanbaı Raqmetuly, Qanat Sálmenuly alǵys hattarmen marapattaldy.
Sondaı-aq, kórermenmen «ákem úıretken bata» aıdary boıynsha ınteraktıv uıymdastyryldy. Qala turǵyndary da bata berýdiń qundylyǵy týraly pikirlerin bildirip, jarysa bata berdi. Kesh merekelik konsertpen jalǵasty.