2025 jylǵy 22 naýryzda tanymal kásipker jáne qoǵam qaıratkeri, Eurasian Resources Group-tiń (ERG) negizin qalaýshylardyń biri – Aleksandr Antonovıch Mashkevıch 72-ge qaraǵan shaǵynda ómirden ozdy.
Ol Qyrǵyzstannyń Bishkek (burynǵy Frýnze) qalasynda dúnıege kelgen. Sonda erjetip, pedagogıka salasynda keńes odaǵyndaǵy eń jas ǵylym kandıdaty atanǵan. Keıin fılosofııa ǵylymdarynyń doktory boldy. 80-jyldardyń sońynda aldymen Qyrǵyzstanda, keıin Qazaqstanda kásipkerlikpen aınalysa bastady.
Eýrazııalyq ónerkásip qaýymdastyǵyn (EО́Q) qurýshylardyń biri retinde Qazaqstannyń metallýrgııa, energetıka men kólik tasymaly salalaryndaǵy birqatar iri ónerkásip kásiporyndaryn biriktirdi. Búginde bul qurylym Eurasian Resources Group (ERG) atalady. Aleksandr Antonovıch uzaq jyldar boıy kompanııany basqaryp, damytýǵa súbeli úles qosty. 2014–2024 jyldar aralyǵynda ERG Dırektorlar keńesiniń tóraǵasy boldy.
Osy merzim ishinde aýqymdy jumys atqarylyp, kóptegen ınvestısııalyq joba júzege asyryldy. Eldegi birden-bir joǵary sapaly bastapqy alıýmınıı óndirýshi – Qazaqstan elektrolız zaýyty salyndy. Aqtóbe ferroqorytpa zaýytynyń №4 balqytý sehy iske qosyldy. Sonyń arqasynda kásiporyn ferrohrom óndirisindegi álemdik kóshbasshylar qataryna kirdi.
A.Mashkevıch uzaq jyldar boıy «Eýrazııalyq bank» AQ Dırektorlary keńesiniń tóraǵasy da boldy. Ol jetekshilik etken tusta atalǵan qarjy ınstıtýty Qazaqstannyń bank qyzmetteri salasyndaǵy kóshbasshylardyń birine aınaldy.
A. Mashkevıch Qazaqstan ekonomıkasyn, ásirese taý-ken metallýrgııa sektoryn damytýǵa zor úles qosty. Shırek ǵasyrdan astam ýaqyt boıy Qazaqstan Respýblıkasy Prezıdentiniń janyndaǵy Sheteldik ınvestorlar keńesiniń múshesi boldy. Keńestiń jalpy otyrystarynda eldegi ózekti saıası jáne ekonomıkalyq máselelerdi talqylaýǵa, qabyldanǵan sheshimderdi iske asyrýǵa belsene atsalysty. Aleksandr Antonovıch ekonomıka, ónerkásip, ǵylym men mádenıet salalaryndaǵy halyqaralyq forýmdarǵa udaıy qatysyp júrdi. О́zekjardy pikirleri únemi qoǵamdyq rezonans týdyryp, eń kirpııaz tyńdarmannyń da kóńilinen shyǵyp jatatyn. Onyń óndiristi jańǵyrtý men korporatıvtik basqarýdy jetildirýge qatysty usynystary eń ozyq halyqaralyq tájirıbeler men tehnologııalardy qoldanýǵa umtylatyn ERG kásiporyndarynda naqty kórinis tapty.
2000 jyly A. Mashkevıchtiń bastamasymen Qazaqstandaǵy Evreıler kongresi quryldy. Ol Eýrazııalyq jáne Qazaqstan evreıler kongresterine jetekshilik etti. Maqsaty – etnosaralyq jáne dinaralyq dıalogti nyǵaı-tý edi.
A.Mashkevıchtiń qamqorlyǵymen kóptegen áleýmettik jáne bilim berý bastamalary sátti iske asty. Eldegi tosyn apattar kezinde onyń tikeleı tapsyrmasymen ERG alǵashqy bolyp qarajat bólgeni – Aleksandr Antonovıchtiń jomarttyǵynyń aıǵaǵy.
Qazaqstannyń áleýmettik-ekonomıkalyq damýyna eleýli úles qosqany úshin «Qurmet» (2001 jyl), «Parasat» (2016), III dárejeli «Barys» (2021) ordenderimen marapattaldy. Qazaqstan Respýblıkasy Táýelsizdiginiń 30 jyldyǵy qarsańynda eldiń áleýmettik-ekonomıkalyq damýyna sińirgen zor eńbegi úshin I dárejeli «Barys» (2021) ordenine ıe boldy.
Jany jomart, júregi keń, ushqyr oıly azamat ortasyna syıly edi. ERG kásiporyndarynyń jumyskerleri A. Mashkevıchti kásibı biliktiligi men asyl adamgershilik qasıetteri úshin erekshe qadirlep, qurmetteıtin.
ERG-diń myńdaǵan eńbek ujymy Aleksandr Antonovıch Mashkevıchtiń qazasyna baılanysty jan jary – Larısa Vasılevna men týǵan-týystaryna qaıǵylaryna ortaqtasyp kóńil aıtady.
Aleksandr Antonovıch sanaly ǵumyryn adamdarǵa baqyt syılaý jolyna sarp etti. Jarqyn beınesi men rııasyz kúlkisi ony biletin adamdardyń jadynda árdaıym saqtalady.
Eurasian Resources Group