Jambyl oblysynda «Ejelgi Taraz eskertkishteri» tarıhı-mádenı qoryq-mýzeıi basshysy Aısha-Bıbi kesenesi mańyndaǵy jer telimin zańsyz paıdalanǵan kásipkerlerge qarsy sotta jeńiske jetti, dep habarlaıdy Egemen.kz.
Is materıaldaryna sáıkes, Mýzeı-qoryqtyń ıeliginde Aısha-Bıbi kesenesi bar, oǵan 2 gektar jer ýchaskesi turaqty jer paıdalaný quqyǵy berilgen. Alaıda, bes kásipker bul aýmaqta zańsyz kommersııalyq qyzmet júrgizip, ǵımarattardy ıemdenip alǵan.
Mýzeı-qoryq basshysy sotqa júginip, zańsyz ıelengen ǵımarattardy bosatýdy talap etken.
«Tórt jaýapker talap qoıýdy moıyndamaǵan, kásipkerlerdiń biri daýly ǵımarattardy 2010 jyly óz qarajatyna salyp, keıin olarǵa saýda jasaý úshin tegin bergenin málimdegen. Besinshi jaýapker talap qoıýdy moıyndaǵan», delingen habarlamada.
Jambyl aýdandyq soty mýzeıdiń talap-aryzyn qanaǵattandyryp, kásipkerlerdiń ǵımarattardy zańsyz ıelengenin rastaǵan.
«Talap qoıý qanaǵattandyryldy: sot kásipkerlerge zańsyz ıelengen úı-jaıdy bosatýdy mindettedi. Jaýapkerler bul sheshimge apellıasııalyq tártippen shaǵym túsirgen. Alaıda, Jambyl oblystyq soty birinshi satydaǵy sottyń tujyrymymen kelisip, sheshimdi ózgerissiz qaldyrdy», delingen habarlamada.
Qaýly zańdy kúshine endi.