Elimizde júrgizýshi kýáligine emtıhan tapsyrý prosesi jańa tehnologııalarmen jańartylmaq. Qazirgi ýaqytta qosymsha naqtylyq (AR) jáne kompıýterlik kórý júıeleri engizilýi josparlanǵan. Bul jańashyldyqtar emtıhan tapsyrý kezinde baqylaýdy nyǵaıtyp, úderisti avtomattandyrýǵa múmkindik beredi, dep habarlaıdy Egemen.kz.
Budan basqa, eýropa elderiniń tabysty tájirıbesi negizinde emtıhandardy qabyldaý tártibi, sondaı-aq kólik quraldaryn tirkeý rásimi qaıta qaralatyn bolady.
«О́tken jyly kólik quraldaryn tirkeý salasynda 3 mln qyzmet kórsetildi. Satyp alý-satý sharttaryna elektrondyq qol qoıý, memlekettik tirkeý belgilerin jedel daıyndaý, avtosaqtandyrý sııaqty is-sharalar júrgizildi. Biz qujattardy rásimdeý jónindegi memlekettik korporasııanyń platformasyn iske qosýdy, bıometrııalyq sáıkestendirý jáne avtokólik tarıhyn tekserý servısterin iske asyrýdy josparlap otyrmyz», dedi «Azamattarǵa arnalǵan úkimet» KEAQ basqarma tóraǵasy Arman Kenjeǵalıev.