5 sáýir kúni Astanadaǵy Barys Arenada kásibı boks keshi ótedi. Keshtiń basty jekpe-jeginiń ıeleri jeńilip kórmegen J. Álimhanuly men fransııalyq Anaýel Ngamıssenge, dep jazady Egemen.kz.
Qazaqstanda ótetin aýqymdy boks keshinde áýesqoı boksta aıtýly jetistikterdi baǵyndyryp júrgen Mahmud Sabyrhan men Tórehan Sabyrhan da sharshy alańǵa shyǵyp, kásibı boksta alǵash ret baq synaıdy.
Bul keshtegi Mahmud Sabyrhannyń qarsylasy - kolýmbııalyq Nıkolas Tordesılıa. Bul jup boks keshinde birinshi bolyp rıngke shyǵady. Jekpe-jek 6 raýndqa josparlanǵan.
Al Tórehan Sabyrhan 29 jastaǵy cheh Djırı Haýkemen judyryqtasady. Otandasymyzdyń qarsylasy buǵan deıin 10 kezdesý ótkizip, 4-de jeńiske jetken.
Búgin aǵaıyndy Sabyrhandar kásibı bokstaǵy jekpe-jegine tas- túıin daıyn ekenin jetkizdi.
«Bizge boksshylar tizimin 1 aı buryn usyndy. Bapkerimizben aqyldasyp osy qarsylastardy tańdadyq. Jekpe-jekke daıynbyz», dedi M. Sabyrhan.