Qoja Ahmet Iаsaýı atyndaǵy Qazaq-Túrik ýnıversıtetinde «Qazaq tili – ǵylym tili: jasandy ıntellekt jáne termınologııa» atty II halyqaralyq sımpozıým ótti.
Is-shara barysynda Memleket basshysynyń tapsyrmasymen qazaq tiliniń ǵylym tili retinde damý máseleleri qarastyryldy. Sonymen qatar qazaq tiliniń aıasyn keńeıtý joldary jasandy ıntellekt arqyly talqylandy. Sımpozıýmǵa Senat depýtaty Darhan Qydyráli qatysyp, qazaq tiliniń bolashaǵy úshin sıfrlandyrýdyń mańyzdylyǵyn atap ótti.
«Búgingi tańda adamzat sıfrly álemde ómir súrip jatyr. Sondyqtan tilderdi saqtaý jáne qoldaný máselesi erekshe ózektilikke ıe. Bul qazaq tili úshin de mańyzdy. Sebebi onyń sıfrly ortada keńinen qoldanylýy ýnıfıkasııalanǵan jáne sıfrlanǵan sózdik qoryn, tildik derekqordy talap etedi. Eger biz sıfrly sózdik qoryn qalyptastyra alsaq, bul qazaq tilindegi jasandy ıntellektiniń jumys sapasyn aıtarlyqtaı arttyrady», dep málimdedi senator.
Sımpozıým barysynda lıngvıstıka, jasandy ıntellekt jáne termınologııa salasyndaǵy jetekshi mamandar qazaq tilin qazirgi zamanǵy tehnologııalarmen ıntegrasııalaý máselelerin talqylap, usynystaryn usyndy.