Qazaqstanda zergerlik buıymdardy satýǵa qatysty jańa talaptar engizildi. Endi synamalaý tańbasy joq ónimder satylǵan jaǵdaıda, zań buzýshylar ákimshilik jaýapkershilikke tartylatyn bolady, dep habarlaıdy Egemen.kz.
Saýda jáne ıntegrasııa mınıstrliginiń málimdeýinshe, bul sharalar tutynýshylardyń quqyqtaryn qorǵaý jáne zergerlik naryqtyń ashyqtyǵyn qamtamasyz etý maqsatynda qabyldanǵan. Endi Qazaqstan aýmaǵynda synamalaý tańbasy jáne synama palatalarynda saraptama júrgizilgenin rastaıtyn belgilersiz zergerlik buıymdardy satý múmkin emes.
Erejelerdi buzǵandarǵa 190 myń teńgeden 580 myń teńgege deıin aıyppul salynady. Zań qaıta buzylǵan jaǵdaıda, aıyppul somasy artady.
Jańa talaptar 2025 jylǵy 13 naýryzdan bastap kúshine endi.