Ekibastuz qalasy prokýratýrasynyń bastamasy boıynsha polısııa basqarmasy, ákimdik jáne Ekibastuz aýyldyq okrýginiń kásipkerleri alkogol ónimin satýdan bas tartý týraly memorandýmǵa qol qoıdy, dep jazady Egemen.kz.
Memorandýmǵa saı endi Zelenaıa rosha, Jaksat aýyldary kiretin Tórtúı, Taı, Kóksıyr, Qarajar, Myńtomar, Aqshı aýyldary jáne Aqkól aýyldyq okrýginde alkogol ónimderi satylmaıdy.
IIM memorondým maqsatyn otbasylyq-turmystyq qatynastar salasynda mas kúıde jasalatyn qylmystardyń, quqyq buzýshylyqtardyń, aýyr jáne asa aýyr qylmystardyń aldyn alý dep túsindirdi.
Al aýyl turǵyndary alkogolden bas tartý - bul qaýipsizdiktiń kepili ǵana emes, sonymen qatar mádenıetti, ulttyq dástúrlerdi jáne rýhanı murany saqtaý ekenin aıtady. Bul jaqsy dástúrdi saqtaý - ortaq jaýapkershilik. Uıymshyldyqty, tártip pen tynyshtyqty sanaly túrde tańdaý búkil qoǵamnyń ómirin ózgerte alatyndyǵynyń tikeleı dáleli ekenine senimdi.
IIM málimetinshe, 2024 jyldyń mamyr aıynda Ekibastuz óńiri boıynsha kásipkerlermen alkogol ónimin satýdan bas tartý týraly alǵashqy memorandýmǵa Qarasor, Qudaıkól, Qulaqól aýyldaryn qamtıtyn Temirjol aýyldyq okrýgteri qol qoıǵan. О́tken kezeńde bul aýyldarda alkogoldi satýǵa baılanysty quqyq buzýshylyqtar tirkelmegen.