Egde adamdarǵa – eleýli qamqorlyq

Ashylý saltanatynda oblys ákimi Marat Ahmetjanov jańa ınnovasııalyq jobanyń ma­ńyzyna toqtalyp, jasalyp jatqan ıgi ister jaıynda baıan­dap berdi. Ortalyq dırektory Baqyt Smaǵul jańa mekeme aǵa býynǵa jaıly oryn bola­tyndyǵyna senim bildirdi. Aıt­sa aıtqandaı, ǵımarat tolyq jańartylǵan. Qutty qury­lys­shynyń qalaǵynan jańa shyq­qandaı jarqyrap tur. Eń bas­tysy, zamanaýı jabdyqtar­men qamtamasyz etilipti. Negizgi qyzmeti – emdik, dene shynyq­tyrý, ıoga, skandınavııalyq jú­ris, vokal, horeografııa, qol­óner sheberligin damytý, shahmat, to­ǵyzqumalaq, asyq atý tárizdi oıyn­darǵa qyzyǵýshylyqty arttyrý. Kompıýterlik bilim alýǵa tolyq múmkindik jasalǵan.

– Men oblys ortalyǵyndaǵy avtokólikterdi jóndeý stansa­synda jarty ǵasyrǵa jýyq eńbek ettim, uzaq ýaqyttan beri shahmatpen aınalysamyn, – deıdi qala turǵyny Sáken Táńirqulov. – Ortalyq zeınetkerlerdiń bas qosyp, shúıirkelesetin, túrli oıyn­dar oınap, ózderi qyzyǵatyn sharýamen shuǵyldanatyn orynǵa aınalǵaly tur. Eń bastysy, memleket tarapynan aǵa býynǵa aıta qalarlyqtaı qamqorlyq jasalyp otyr.

Ashylý saltanatynda Fran­sııadaǵy halyqaralyq kúmis ýnıversıtetter qaýymdastyǵy­nyń prezıdenti, professor Fransýa Vellas onlaın baılanysqa shyq­­­­ty. Professor ortalyqtyń ­ashy­­lýymen quttyqtap, jarqyn joba jónindegi lebizin bildirdi.

Ortalyqta arnaıy medı­sı­nalyq kabınet bar. Onda dáriger kelýshilerdiń densaý­lyq­taryn qada­ǵalaıdy. Appa­rattyq baza ázir­­lenip, em-dom­nyń qajetti­li­kte­ri ekshe­lenedi. Jańa ǵımarat­ta ar­da­gerler keńesi de ornalas­paq.

Jańa jobany júzege asy­rý­ǵa mesenat­­­­tar da qa­tysypty. Bul da bolsa, jaq­­­­sy nyshan, jar­qyn mysal. О́ńirdegi memlekettik jáne jekemenshik ýnı­­versıtetter ynty­maqtastyq me­morandýmyna qol qoıdy.

KО́KShETAÝ