Memleket basshysy Qasym-Jomart Toqaev Shymkent áýejaıynyń jańa termınalyn aralap kórdi, dep habarlaıdy Egemen.kz Aqordanyń baspasóz qyzmetine silteme jasap.
Memleket basshysynyń qalany damytý jónindegi tapsyrmasy aıasynda salynǵan áýe aılaǵynyń qurylysyna jeke ınvestor 24 mıllıard teńge qarajat jumsaǵan.
Prezıdentke Qazaqstannyń ońtústiginde biregeı avıasııalyq hab qalyptastyrý óńirdegi áýe qatynasynyń baǵyt sanyn 17-den 59-ǵa deıin ulǵaıtýǵa, sondaı-aq Eýropa men Azııanyń birqatar eline reıster ashýǵa múmkindik beretini jóninde baıandaldy.