Almatyda áýe utqyrlyǵyn damytý jónindegi jumys toby quryldy. Jumys toby áýe dálizderin ázirleýmen jáne Almaty, Alataý jáne Almaty oblysynyń ulttyq parkterindegi qaýipsizdikti baqylaý maqsatynda ushý apparattarynyń qaýipsiz ushýy úshin erejelerdi daıyndaýmen aınalysady, dep habarlaıdy Egemen.kz.
Budan buryn málim bolǵandaı, Sıfrlyq damý, ınnovasııalar jáne aeroǵarysh ónerkásibi mınıstri basshysy Jaslan Mádıev elektromobılderdi qoldaý jáne pılotsyz tehnologııalardy engizý boıynsha baǵdarlama ázirleýdi usynǵan bolatyn. Mınıstr atap ótkendeı ushqyshsyz tehnologııalardy synaý úshin Waymo (Google), Tesla, Baidu, Mobileye, Yandex jáne Huawei sııaqty halyqaralyq seriktesterdi tartý josparlanýda. Joba aıasynda qanatqaqty jobany iske qosý úshin test alańdary tańdalyp, normatıvtik quqyqtyq aktiler ázirlendi. Bul avtonomdy avtomobılderge arnalǵan komponentterdi zertteýge, ınfraqurylymǵa jáne óndirýge sheteldik ınvestısııalardy tartýǵa múmkindik beredi. Ushqyshsyz tehnologııalardy, aeromobılderdi paıdalaný qalalar qaýipsizdigin arttyrýda joǵary tıimdilikke ıe.
Kólik mınıstri qol qoıǵan qujatqa sáıkes jumys qalalyq áýe utqyrlyǵyn (Urban Air Mobility) damytýda normatıvtik quqyqtyq aktilerge túzetýler paketin ázirlep, respýblıka qalalaryndaǵy áýe utqyrlyǵyn (Urban Air Mobility) engizý máselelerin pysyqtaıtyn bolady. Qorǵanys mınıstrligi jáne múddeli memlekettik organdarmen birlesip, áýe dálizderin bekitýdi jáne qalalyq áýe kemeleriniń qyzmetin júzege asyrý úshin ushý apparattaryn qaýipsiz paıdalanýdy reglamentteıtin tıisti normalardy qabyldaýdy qamtamasyz etedi.
Almaty