14 sáýirde Blue Origin kompanııasy tarıhta alǵash ret tolyq áıelderden quralǵan ekıpajdy ǵaryshqa attandyrǵan, dep habarlaıdy Egemen.kz informburo.kz-ke silteme jasap.
Amazon qojaıyny jáne mıllıarder Djeffom Bezos qurǵan Blue Origin kompanııasy áıelder ekıpajyn sýborbıtalyq ushýǵa jiberdi. Iаǵnı, olar orbıtaǵa tolyq shyqpaı biraz bıiktikke kóterilip, Jerdi aınalyp ushpaı, qaıta oraldy. 1963 jyly Valentına Tereshkovanyń jalǵyz jasaǵan mıssııasynan keıingi alǵashqy tolyq áıelder ekıpajy ǵaryshqa saparlady. Ushý barysynda ekıpaj músheleri Jerdiń keremet kórinisine kýá bolyp, gravıtasııany sezindi.
New Shepard zymyrany Tehastaǵy ǵarysh aılaǵynan 6 jolaýshyny kókke kóterip, Karman syzyǵyna deıin jetkizdi. Bul Jerden shamamen 100 shaqyrym qashyqtaǵy ǵarysh syzyǵy sanalady. Mıssııa 10 mınýt 21 sekýndqa sozyldy.
Loren Sanches – jýrnalıst, ushqysh jáne Bezos Earth Fund uıymynyń vıse-tóraıymy. Ol osy mıssııany uıymdastyryp, basqardy; Ketı Perrı – álemge tanymal pop-juldyz; Geıl Kıng – CBS jańalyqtarynyń júrgizýshisi; Aısha Boýı – burynǵy NASA ınjeneri, STEM salasyndaǵy kásipker jáne STEMBoard kompanııasynyń negizin qalaýshy; Amanda Ngýen – azamattyq quqyq qorǵaýshy, Rise uıymynyń negizin qalaýshy jáne Nobel syılyǵynyń beıbitshilik atalymy boıynsha nomınanty; Kerıann Flınn – genderlik máselelerge baǵyttalǵan fılmder prodıýseri.NS-31 mıssııasy genderlik teńdik pen ártúrlilikti nasıhattap, keleshek urpaqtyń ǵaryshqa umtylýyna shabyt berýdi maqsat etti.
Ǵaryshta 700 adam bolsa, sonyń 15 paıyzyn ǵana áıelder quraıdy.