Elimizde Memleket basshysy Qasym-Jomart Toqaevtyń tapsyrmasymen júzege asyp jatqan «Taza Qazaqstan» tujyrymdamasy aıasynda «Móldir bulaq» ekologııalyq aksııasy bastaldy. Aksııanyń uıymdastyrylýy Naýryznama onkúndiginiń Tazarý kúnimen tuspa-tus kelip otyr, dep jazady Egemen.kz.
Is-shara barysynda sý kózderi, bulaqtar, ózen-kólder men teńiz jaǵalaýlary qoqystan tazartylady.
Bul ıgi bastamaǵa elimizdiń mektep oqýshylary, kolledj stýdentteri men erikti jastar qoldaý bildirip jatyr. Aksııa aıasynda bulaqtardyń kózin ashý jáne abattandyrý, jaǵalaýlardy turmystyq qaldyqtardan tazartý, tabıǵatty aıalaýǵa baǵyttalǵan ekologııalyq sharalar uıymdastyrylady.
Aksııaǵa alǵashqylardyń biri bolyp Jambyl oblysyndaǵy «Móldir bulaq» oqý-saýyqtyrý ortalyǵynda kóktemgi kanıkýlda demalyp jatqan oqýshylar úles qosty. Olar bulaq kózin ashyp, mańaıyn qoqystan tazalady. Al Shymkent qalasynyń erikti jastary, kolledj stýdentteri Qoshqar ata ózeniniń jaǵalaýynda senbilik uıymdastyrdy.
Tazarý kúni: Prezıdent azamattardy tazalyq pen tártip estafetasyna belsene qatysýǵa shaqyrdy
Mańǵystaý oblysynyń stýdentteri de Kaspıı teńiziniń jaǵalaýynda ótken aksııaǵa atsalysty. Sharaǵa qatysýshylar qorshaǵan ortany taza ustaýdyń mańyzdylyǵyn atap ótti.
Aıta keteıik, aldaǵy bir aı ishinde «Móldir bulaq» ekologııalyq aksııasy elimizdiń basqa óńirlerinde de jalǵasady.