WhatsApp – álemdegi eń tanymal messendjerlerdiń biri. Sondaı-aq ol hakerler men alaıaqtardyń da basty nysanasy. Olar akkaýntyńyzdy urlap, jeke hattaryńyzdy oqyp, tipti zymııan pıǵylyn iske asyrý úshin nómirińizdi paıdalanýy múmkin. О́zińizdi jáne derekterińizdi qorǵaýdyń jolyn Qarjy naryǵyn retteý jáne damytý agenttigi tómendegishe túsindiredi.
Ol úshin:
WhatsApp-ty ashyńyz → Baptaýlar (Nastroıkı) → Akkaýnt → Eki faktorly aýtentıfıkasııa qyzmetin tańdańyz. Alty tańbaly PIN-kod ornatyńyz. Qupııa sózdi umytyp qalsańyz, ony qalpyna keltirý úshin elektrondyq poshtańyzdy qosyńyz. Kúmándi habarlamalardy ashpańyz. Hakerler sizdi aldaý úshin áleýmettik ınjenerııa ádisterin jıi qoldanady.Alaıaqtardyń jıi qoldanatyn tásilderi:
SMS arqyly kelgen rastaý kodyn jiberýdi suraıdy (Muny eshqashan jasamańyz!). «WhatsApp qoldaý qyzmetinen» jalǵan habarlamalar jiberedi. Qaýipsizdik sharalary nemese utys oıyny týraly habarlap, siltemeni basýdy suraıdy. Mundaıda ne isteý kerek? Eshkimge rastaý kodyn jibermeńiz. Jeke derekterdi jibermeńiz. Kúmándi siltemelerge ótpeńiz. Jeke derekterdiń kórinýin shekteýge bolady. Alaıaqtar sizdiń avatar men statýsyńyzdy paıdalanyp, atyńyzdan hat jazýy múmkin.Qupııalylyq baptaýlaryn ózgertý úshin:
WhatsApp-ty ashyńyz → Baptaýlar → Qupııalylyq. Avatar, statýs, sońǵy onlaın bolý ýaqyty sııaqty aqparattardy kórýdi «Tek kontaktiler» nemese «Eshkim» dep shekteńiz. WhatsApp Web-ke qosylǵan qurylǵylardy tekserińiz. Eger sizdiń akkaýntyńyz belgisiz kompıýterde ashyq tursa, alaıaqtar hattaryńyzdy oqýy múmkin.WhatsApp akkaýntyńyzdyń qaýipsizdigi sizdiń qolyńyzda. Eki faktorly aýtentıfıkasııany qosyńyz, kúmándi habarlamalarǵa senbeńiz, jeke derekterdi shekteńiz jáne baılanys qurylǵylardy únemi tekserip otyryńyz. Qaýipsizdik sharalaryn saqtaý arqyly siz alaıaqtardan qorǵana alasyz.