QR Ekologııa jáne tabıǵı resýrstar mınıstri Erlan Nysanbaev «Halyqaralyq jasyl tehnologııalar jáne ınvestısııalyq jobalar ortalyǵy» KEAQ uıymdastyrǵan «Qazaqstan ónerkásibine «jasyl» tehnologııalardy engizýdiń bolashaǵy» taqyrybyndaǵy dóńgelek ústel jumysyna qatysty.
Is-shara barysynda qatysýshylar ekologııalyq startaptardyń qazaqstandyq ónerkásiptiń óndiristik prosesterine ıntegrasııalaný perspektıvalaryn talqylap qana qoımaı, ornyqty sheshimderdi masshtabtaýdyń bar kedergileri men múmkindikterin aıqyndady, sondaı-aq ınnovasııalyq tehnologııalardy damytýdaǵy ǵylymnyń, bıznestiń jáne memlekettiń rólin qarastyrdy.
Ashyq dıalog formatynda mınıstr QazInnovation qory ókilderiniń suraqtaryna jaýap berip, sondaı-aq ozyq klımattyq jáne resýrs únemdeý jobalaryn iske asyratyn GCIP-Kazakhstan fınalıster komandalarymen tikeleı sóılesti.
О́nerkásipte jasyl tehnologııalardy qoldaný turaqty damý men ekologııalyq qaýipsizdikke qol jetkizýdiń kilti ekenin atap ótken jón. Osy tehnologııalardy belsendi túrde engizetin ónerkásip salalary tabıǵı resýrstardy saqtaýǵa, qorshaǵan ortanyń lastanýyn azaıtýǵa jáne adamdardyń ómir súrý sapasyn jaqsartýǵa yqpal etedi.