Bıyl 24 sáýirde «Áziret Sultan» Ulttyq tarıhı-mádenı mýzeı-qoryǵynda Qoja Ahmet Iаsaýı kesenesinde saqtalǵan qabirhananyń oıýly aǵash esigi tanystyryldy, dep habarlaıdy Egemen.kz
Mýzeı qyzmetkerleri kópshilikke esikti restavrasııalaý kezeńderi týraly áńgimeledi jáne esiktegi jazbalardyń maǵynasyn da túsindirip ótti.
Eki jyl júrgizilgen ǵylymı-zertteý nátıjesi boıynsha XIV ǵasyrdan beri saqtalyp kelgen qasıetti esiktiń óńi syr bere bastaǵany maǵlum bolǵan. Sol sebepten 2021 jyly esik qalpyna keltirý laboratorııasyna restavrasııa-konservasııa jumystary úshin jiberilgen eken.
«Bul joba barysynda 3D-skanerleý, rentgenografııa jáne neıtrondy tomografııa sııaqty zamanaýı tehnologııalar qoldanyldy. 5 jyl boıǵy qaıta qalpyna keltirý jumystarynyń nátıjesinde, esik ǵasyrlar boıy qordalanyp qalǵan shań-tozańnan, zııankesterden tazartyldy. Bul qasıetti esiktiń áli uzaq saqtalýyna sep bolyp, osy ýaqytqa deıingi belgisiz jazýlardy da oqýǵa múmkindik berip otyr. Restavrasııalaýdan ótken qabirhana esigi Túrkistanǵa qaıtarylyp, «Áziret Sultan» Ulttyq tarıhı-mádenı mýzeı qoryǵynda sırek jádigerler mýzeıiniń ekspozısııasyna qoıyldy», dep habarlandy Mádenıet jáne aqparat mınıstrliginiń baspasóz qyzmetinen.