Basty mindet – sapaly qyzmet

Ulttyq jobany júzege asyrý barysy

2023 jyldan bastap Prezı­dent tapsyrmasyna oraı «Aýyl­dyq densaýlyq saqtaýdy jańǵyrtý» Ulttyq pılottyq jobasy iske asyrylyp jatyr. Birinshi kezekte – aýyldyq eldi mekender­de medı­sınalyq-sanıtarlyq alǵashqy kómek (MSAK) kórsetý uıymdarynyń jańadan 655 nysannyń salynýyn qamtamasyz etý. Densaýlyq saqtaý mınıstri Aqmaral Álnazarovanyń aıtýynsha, búginde 467 nysannyń qurylysy tolyq aıaqtaldy.

«Osylaı 80 myńnan astam azamat qosymsha medısınalyq kómekke qol jetkizdi. Bul shara aýyl turǵyndaryna qosymsha 456 kúndizgi stasıonar tósektik ornyn ornalastyrýǵa múmkindik berdi. Sonymen qatar 174 medısına qyzmetkeri daıyndalyp, eldi mekenderde qyzmet kórsetýge jiberildi», dedi mınıstr.

Onyń sózine zer salsaq, barlyq 655 nysannyń qurylysy aıaqtalyp, iske qosylǵan kezde, shamamen 1 mln-ǵa jýyq aýyl turǵyny qoljetimdi medı­sınalyq-sanıtarlyq alǵashqy kómekpen qamtylady. 

«Ulttyq jobanyń kelesi mindeti – aýyl turǵyndaryna ýaqtyly shuǵyl medısınalyq kómek kórsetýdi qamtamasyz etý. Bul mindetti júzege asyrý maqsatynda quramynda joǵary tehnologııalyq medısınalyq qondyrǵymen jabdyq­talǵan mamandandyrylǵan bólimshesi bar zamanaýı 32 kópbeıindi orta­lyq aýdandyq aýrýhana­nyń ashylýy kózdelip otyr. Osy mindetti iske asyrý bary­synda 6 kópbeıindi orta­lyq aýdandyq aýrýhana­nyń (Túrkistan – 3, ShQO – 1, SQO – 1, Qaraǵandy – 1) qurylys ju­mysy aıaqtaldy. Nátıjesinde, ınsýlt ortalyqtary, hırýrgııa, travmatologııa men perzent­hana bólimsheleri iske qosyldy», dedi sala basshysy.

Bul rette barlyq kópbeıin­di orta­lyq aýdandyq aýrýhana­larǵa arnaıy mamandandy­ryl­ǵan medısınalyq tehnıkalar jetkizildi. «Altyn ýaqyt» qaǵıdasy boıynsha shuǵyl medısınalyq kómek kórsetý maqsatynda barlyq kópbeıin­di ortalyq aýdandyq aýrýhanalar joǵary tehnologııalyq medısınalyq tehnıkamen (KT, MRT, angıograftar) qamtama­syz etiledi. Osy jyldyń sońyna deıin taǵy 12 kópbeıindi ortalyq aýdandyq aýrýhanany paıdalanýǵa berý josparlanypty. Oǵan 98 medısına qyzmetkerin daıarlap jiberý kózdelgen.

Úkimet basshysy atalǵan joba aýyldyq jerdegi medısınalyq kómekti qoljetimdi etýde bir­qatar keshendi problemany sheshýge yqpal etetinin aıtty. Iаǵnı árbir azamat óziniń tur­ǵy­lyqty jerinde shuǵyl kómekke qol jetkize alady. Ári zamanaýı qural-jabdyq esebinen medısınalyq qyzmettiń sapasy jaqsarady.

«Úkimet tarapynan alǵash­qy medısı­nalyq-sanıtarlyq kómek obekti­lerin salýǵa res­pýblıkalyq bıýdjetten shamamen 120 mlrd teńge, al aýdandyq aýrýhanalardy qaıta jańǵyrtý­ǵa 31 mlrd teńgeden astam qara­jat bólindi. Memleket basshysy­nyń tapsyrmasy boıynsha zań­syz ıemdenilgen aktıvterdi qaı­tarý esebinen tolyqtyrylyp jat­qan Arnaýly memlekettik qor­dyń qarajaty da ulttyq jobany iske asyrýǵa ajyratyldy», dedi O.Bektenov.

Premer-mınıstrdiń aıtýyn­sha, 145 alǵashqy kómek nysany men 13 aýdanaralyq aýrýhana qurylysyna 31 mlrd teńgeden astam qarajat salyndy. Búginde bes óńirde, ıaǵnı Qostanaı, Qyzylorda, Mańǵystaý, Soltústik Qazaqstan men Túrkistan oblysynda tıisti nysandar qurylysy tolyǵymen aıaqtaldy. Qalǵan óńirlerde belgili bir táýekelder bar.

«Memleket basshysy Úkimet­tiń keńeıtilgen otyrysyn­da qurylys qarqynyn arttyrý, ásirese jobalyq qujatta­many daıyndaý rásimi men medı­sı­nalyq quraldarmen jabdyqtaý máselesin jedeldetý qajet ekenin aıtty. Jetisý, Ulytaý, Jambyl, Aqtóbe, Aqmola, Qaraǵandy oblysynda qurylys qarqyny tym baıaý. Mysaly, Aqtóbe, Jambyl, Jetisý men Shyǵys Qazaqstan ob­lysynda osy kúnge de­ıin 6 ny­sanǵa jobalyq qujat­tama ázirlenbegen. Qaraǵandy, Qostanaı, Aqmola, Ulytaý, Batys Qazaqstan, Soltústik Qazaqstan oblysynda 8 jobaǵa memlekettik saraptama daıyn emes», dedi Premer-mınıstr.

О́ńir ákimderi tarapynan dál osy jobalaý men qurylys jumysyna baqylaýdyń kemshin bolýy Ulttyq jobany iske asyrý merzimderiniń sozylyp ketýine alyp keledi. Nysandy ýaqtyly tapsyrý úshin qurylys maýsymyn tıimdi paıdalaný kerek ekenin eskertken Úkimet basshysy naqty tapsyrmalar berdi.

Qurylys salasyn sıfrlandyrý isi

Búginde qurylys salasynda biryń­ǵaı sıfrlyq ekojúıeni qurý úshin aýqym­dy transformasııalaý isi júzege asyrylyp jatyr. Ol jobalaýdan bastap paıdalanýǵa berýge deıingi  qurylys obektisiniń barlyq ómirlik sıklin qamtıdy. Qurylys nysanynyń ómirlik sıkliniń árbir kezeńi negizgi bıznes-úderisterdi josparlaý (AIS GGK), jobalaý men saraptama (E-PSD), sondaı-aq qurylys (eQyrylys) aqparattyq júıesine ıntegrasııalaý esebinen avtomattandyrylady.

О́nerkásip jáne qurylys mınıstrligi jasandy ıntel­lektini paıdalana otyryp, bas jospar men egjeı-tegjeıli jos­parlaý jobasyn iske asyrýdan keıingi baqylaý tehnologııa­syn qanatqaqty joba retinde  júzege asyrýdy josparlap otyr. Iаǵnı eldi mekenderdiń aýmaǵyn qaraý kezinde kompıýterdiń múmkin­digin qoldaný sharasy kózdelgen.

Premer-mınıstr qury­lys sektory – Qazaqstan eko­no­mıka­syndaǵy jetekshi salalardyń biri ekenin eske saldy. Sóıtip, bıylǵy birinshi toqsannyń qorytyndysy boıynsha qurylys jumysynyń kólemi 1 trln teńgeden asyp túskenine toqtaldy.

«Bul ótken jyldyń sáı­kes ke­­zeńi­men salystyrǵanda 17%-ǵa jo­ǵary. 3,7 mln shar­shy metr turǵyn úı paıdalanýǵa beril­di. Byltyrǵy kórsetkishten 7,5%-ǵa artyq. Elimizdiń kóp óńirinde qurylys jumysynyń qarqyny arta túskeni baı­qalady. Budan salanyń ornyqty damýyn kórýge bolady», dedi Úkimet basshysy.

Jalpy, qurylys sektory eldiń ınf­raqurylymdyq negizin qalyptastyrady. Kóp jumys ornyn quryp, bıznestiń damýyna jáne azamattardyń turmys sapasyna tikeleı áser etedi. Álemdik tájirıbe kórsetkendeı, osy salada sıfrlyq sheshimderdi engizý qurylys jobalaryn iske asyrý merzimin edáýir qysqartýǵa, shyǵyndardy aıtarlyqtaı azaıtyp, sybaılas jemqorlyq táýekelderin barynsha kemitýge múmkindik beredi.

«Obektilerdi úsh ólshemdi modeldeý, sıfrlyq qala qurylysy kadastrlary, jobany kelisýdiń elektrondyq platformasy sııaqty tehnologııa men kartografııa júıelerin ıntegrasııalaý qurylys salasynda qalypty normaǵa aınalyp keledi. Memlekettik qala qurylysy kadastryn, «eQurylys» portaly men Aqparattyq modelder bankin engize otyryp, biz qaǵaz júzindegi qujat aınalymynan túpkilikti sıfrlyq úderiske kóshiremiz», dedi Úkimet basshysy.

Búginde ınjenerlik ınfra­qury­lymnyń 90%-dan astamy sıfrlandyryldy. Ruqsat qujatyn berý men jobany kelisý­ge memlekettik qyzmetti avto­mattandyrý iske qosyldy. «eGov» portaly arqyly qol jetkizýge bolatyn úlestik qurylystyń biryńǵaı tizilimi quryldy. Endi osy jyldyń sońyna deıin Biryńǵaı aqparattyq júıe iske qosylady. Ol qurylys sala­synyń qoldanystaǵy barlyq portaldaryn biryńǵaı platformada ıntegrasııalaıdy.