Árbir ekinshi azamat syılyqty onlaın satyp alady

Árıne, onlaın tapsyrys berý kezinde tutynýshylar marketpleıster kómegine júginedi. О́ıtkeni olardyń assortımenti keń, baǵalary tartymdy jáne qajetti ónimdi tez tabýǵa bolady. Ozon.kz statıstıkasy boıynsha 2024 jyly bir paıdalanýshyǵa keletin tapsyrys jıiligi 2023 jyl­men salystyrǵanda 56%-ǵa ósken.

«El turǵyndary onlaın-sho­pıngti tıimdi paıdalanady: saýal­nama nátıjelerine sáıkes satyp alý­shylardyń kóbi (43,9%) ta­ýarlardy tańdaý kezinde ártúrli alańdaǵy usynystardy salys­tyra otyryp, sapa men baǵa araqatynasyn basshylyqqa alady. Respondentterdiń úshten biri (32,3%) «Tańdaýlylarǵa» nemese «Sebetke» qosylǵan taýarlarǵa jeńildikter bolýyn qadaǵalap otyratynyn rastady. Sondaı-aq árbir úshinshi (30,9%) azamat saý­dany aqsha (jalaqy, syıaqy) túskenge deıin keıinge qaldyrady. Respondentterdiń sondaı bóligi (shamamen 30,5%) saýda jasamas buryn taýardy satyp alý qajettiligin baǵalap, ózine «oılanýǵa ýaqyt» beredi. Eń az tany­maly (14,9%) «kórdim – satyp aldym» emosıo­naldy ssenarııi boldy, bul tutynýshylardyń shopıngke degen sanaly ári utymdy kóz­qarasyn dáleldeıdi», dep málimdeıdi.

Turǵyndar merekege daıyndyq kezinde marketpleısterdi jıirek tańdaıtyn kórinedi. Respon­dent­ter­diń 54,8%-y merekelik syılyq pen taýarlarǵa ınternet arqyly tap­syrys berýdi tańdasa, 39,4%-y ǵana dástúrli dúkenderdi qolaı kór­gen.

«Bul úrdis túrli taýar sanattarynda baıqalady. Máselen, respondentterdiń 49%-y – kosmetıka men parfıýmerııa satyp alý úshin, 46,5%-y – úı taýarlary úshin, 42,1%-y – balalarǵa arnalǵan taýarlar úshin, 48,1%-y aksessýar men hobbı jáne shyǵar­mashylyq taýarlary úshin onlaın-shopıngti tańdaıdy. Bul ret­te árbir úshinshi turǵyn (33%) marketpleıste bir tapsyrysqa 10 000-nan 30 000 teńgege deıin aqsha jumsaıdy. Azamattardyń syılyqty belsendi satyp alatyn eń tanymal sebepteri –  týǵan kún (39,5%), jańa jyl (34,4%) jáne áıelder merekesi (25%)», deıdi «Ozon Qazaqstan».