Otan qorǵaýshylar kúni men jeńistiń 80 jyldyǵyna oraı, Rýdnyı qalasynyń ortalyq alańynda Qazaqstan Respýblıkasynyń Memlekettik rámizderi beınelengen ekspozısııalyq keshen ashyldy, dep habarlaıdy Egemen.kz.
Jańa nysan bıiktigi 3 metr, eni eki metr bolatyn eki úlken granıt taqtadan, ekeýiniń ortasynan oryn alǵan 20 metrlik tý tuǵyrdan turady. birinshi granıt taqtada elimizdiń Memlekettik Gerbi beınelenip, onyń qysqasha sıpatamasy berilgen. Ekinshi taqtaǵa Qazaqstan Respýblıkasynyń Memlekettik Ánurany qashalyp jazylǵan. Al ortadaǵy bıik tý tuǵyrda anadaıdan kóz tartyp Memlekettik týymyh jelbirep tur.
Keshen túngi ýaqytta da jaryqtyń kúshimen jarqyrap anyq kórinip turady. Aldaǵy ýaqytta memlekettik mańyzy bar saltanatty is-sharalardyń deni osy alańda ótetin bolady.
Saltanatty is-sharaǵa ardagerler, qalanyńqurmetti azamattary, alǵashqy qurylysshylar, eńbek maıtalmandary, memlekettik qyzmetshiler, jastar uıymdary men qala turǵyndary qatysty.
«Bul keshen – elge, Týǵa, tarıhymyzǵa degen taǵzymnyń belgisi. Mundaı nysandar jastardy eljandylyqqa tárbıelep, tarıhı jadyny jańǵyrtady. Bul – babalar amanatyna adaldyqtyń belgisi», deıdi qala turǵyny Jańbyrshy Tileýǵabylov.
Merekelik jıynda qala ákimi Vıktor Ionenkokópshilikke quttyqtaý sóz arnap, jańa nysannyń mán-mańyzy jóninde oı qozǵady.
«Memlekettik rámizder bizdiń eldigimizdiń basty belgisi ekenin bilesizder. Táýelsiz Qazaqstannyń tutastyǵyn bildiretin qasıetti nyshandar. Búgingi ekspozısııa – eldik sana men ulttyq biregeılikti nyǵaıtatyn erekshe alań. Bul – tek arhıtektýralyq nysan emes, bul – halqymyzdyń júreginde tereń ornyqqan táýelsizdik rýhynyń aıǵaǵy. Memleket basshysy Qasym-Jomart Kemeluly Toqaev «Básekege qabiletti ult bolý úshin biz eń aldymen rýhanı tutastyǵymyzdy saqtaýymyz qajet» dep aıtqan edi. Bizdiń mindetimiz – jastarymyzdyń boıynda Otanǵa degen súıispenshilikti, memlekettik rámizderge degen qurmetti qalyptastyrý. Búgingi urpaq – erteńgi Táýelsiz Qazaqstannyń tiregi. Sondyqtan biz olardy ulttyq qundylyqtarmen sýsyndatyp, tarıh pen erliktiń qadirin bilýge tárbıeleýimiz kerek», dedi qala ákimi.
Is-shara barysynda birqatar azamattarǵa «Rýdnyı qalasynyń Qurmetti azamaty» tósbelgisitabys etildi. Ortalyq alańǵa jınalǵan jurt merekelik jıyn aıaqtalǵan soń, úlken ekrannan Astanada ótip jatqan Jeńistiń 80 jyldyǵyna jáne Otan qorǵaýshylar kúnine arnalǵan áskerı paradtyń tikeleı kórsetilimin tamashalady.