Ozyq tehnologııalar qarqyndy damyǵan kezeńde memlekettik organdardy sıfrlandyrý memlekettik basqarýdy jańǵyrtýdyń negizgi baǵytyna aınaldy.
Qarjy mınıstrligi qolǵa alǵan memlekettik organnyń sıfrlyq beıini – sıfrly transformasııanyń mańyzdy quraldarynyń biri. Bul qyzmetti jan-jaqty taldaýǵa jáne vedomstvolar jumysynyń tıimdiligin baǵalaýǵa múmkindik beredi.
Sıfrly beıin – sıfrly damý deńgeıin jáne memlekettik organdar qyzmetiniń nátıjelerin kórsetetin ózekti derekterdiń jıyntyǵy. Ol ashyq aqparat kózderine negizdelgen. Mysaly:
• tıimdiliktiń negizgi kórsetkishteri (KPI), damý strategııalary men josparlary;
• bıýdjetti josparlaý men oryndaý týraly derekter;
• josparlanǵan jáne júzege asyrylǵan memlekettik satyp alýlar týraly aqparat;
• basqa qurylymdyq sıfrly derekter.
Jasandy ıntellektti paıdalaný arqyly qalyptastyrylatyn barlyq boljamdyq derekter ekonomıka shyndyǵyna jáne bıýdjettik saıasat talaptaryna sáıkestigin qamtamasyz etý úshin mamandardyń qatysýymen tekserýden ótýi tıis.
Sıfrly beıindi engizýdiń birinshi kezeńinde qyzmettiń maqsattary men nátıjelerin sıfrlandyrý múmkin bolyp, bul tıimdilikti sıfrlar arqyly taldaýǵa jáne álsiz jaqtaryn anyqtaýǵa jol ashty. Bul ashyqtyqty arttyrýǵa jáne basqarý prosesterin ońtaılandyrýǵa negiz boldy.
Memlekettik organdardyń sıfrly beıini sheshim qabyldaýdyń jedeldigin, basqarýdyń ashyqtyǵyn jáne bıýdjetti josparlaýdyń nátıjeligin arttyrýdyń tıimdi quraly retinde ózin kórsetti. Atalǵan tásildi engizý belgili bir syn-qaterlerge neǵurlym dál áreket etip, memlekettik basqarý prosesterin jaqsartý men azamattardyń memlekettik ınstıtýttarǵa degen senimin nyǵaıtýǵa oń áser etedi.