Prezıdent jarııalaǵan Jumysshy mamandyqtar jyly sheńberinde kolledjderdi ınternasıonaldandyrý boıynsha salalyq vedomstvo sheteldik seriktestermen kelissózder júrgizip jatyr, olardyń qatarynda shetelderdiń jetekshi bilim berý uıymdary da bar, dep jazady Egemen.kz.
Tehnıkalyq jáne kásiptik bilim departamentiniń dırektory Áset Muhanbetovtiń aıtýynsha, basty maqsat – oqý baǵdarlamalaryn halyqaralyq standarttarǵa sáıkestendirý jáne zamanaýı eńbek naryǵynyń syn-qaterlerine jaýap bere alatyn mamandardy daıarlaýǵa jaǵdaı jasaý.
Bıyl halyqaralyq tájirıbe almasatyn sol 10 kolledjdiń qatarynda – N.Bekbosynov atyndaǵy Mańǵystaý energetıkalyq kolledji, Astananyń qoǵamdyq tamaqtaný jáne servıs kolledji, Shymkenttiń jeńil ónerkásip jáne servıs kolledji jáne basqalary bar, olardyń stýdentteri men pedagogteri Japonııa, Fransııa, Qytaı, Túrkııa, taǵy basqa elderdiń kolledjderinde jáne seriktes kásiporyndarynda taǵylymdamadan ótip jatyr.