Jańaarqa aýdanynyń agroónerkásip kesheninde 12 jekemenshik seriktestik, 992 fermerlik qojalyq pen sharýa qojalyǵy, 16 aýylsharýashylyq óndiristik kooperatıvi jumys isteıdi. Bıyl qantar-aqpanda aýyl sharýashylyǵynyń barlyq sanatynda óndirilgen ónim kólemi 5 mlrd 779,0 mln teńgeni qurap, ótken jyldyń osy kezeńimen (5 mlrd 695,0 mln teńge) salystyrǵanda 101,5%-ǵa jetti.
Sharýashylyqtar 4 061,8 tonna et, 2 113,1 tonna sút, 562,1 myń dana jumyrtqa óndirgen. Mal basy da ósip jatyr. Iri qara 68 600, qoı 99 961, eshki 16 441, jylqy 92 658, túıe 249 basqa jetti. 40 sharýashylyq maldy asyldandyrý baǵytynda jumys isteıdi. Olarda 4 635 asyl tuqymdy mal basy bar.
Asyl tuqymdy et baǵytyndaǵy qazaqtyń aqbas (2 929 bas) iri qara malyn ósirýmen 25 sharýashylyq, gereford (839 bas) ósirýmen 10 sharýashylyq, «Áýlıekól» asyl tuqymdy (779 bas) iri qara malymen 3 sharýa qojalyǵy jáne Sımmental sıyryn (88) ósirýmen 2 sharýashylyq aınalysady. Sonymen qatar 1 195 asyl tuqymdy «Jaby» jylqysyn, 10 788 bas saryarqa qylshyq júndi, quıryqty etti, maıly baǵytyndaǵy Edilbaı, Degeres asyl tuqymdy qoı maly ósiriledi.
Aqtaý aýyldyq okrýgine qarasty «Uly dala» JShS-de jobalyq quny 1 215,0 mln teńge turatyn aýqymdy joba iske asyrylyp jatyr. Qanat Qosdaýletov basqaratyn kásiporynda mal soıý sehy, salqyndatqysh qoımalar bar. Jobalyq qýaty – jylyna 1 164 tonna et ónimderin óndirý. Qazir et kombınaty men konservi sehy iske qosylǵan. Kásiporyn oblysta birinshi bolyp Qatar Respýblıkasyna 300 bas nemese 7 tonna qoı etin eksporttap ta úlgerdi.
Aýdandaǵy 8 sharýa qojalyǵy 1 590 gektarǵa – arpa, 16 gektarǵa – suly, 335 gektarǵa bıdaı egip otyr. Jyl basynan beri aýyl sharýashylyǵy salasyna tartylǵan ınvestısııa kólemi – 320 mlrd teńge.
«Aýyl amanaty» baǵdarlamasy sheńberinde Ulytaý oblysyna 2023–2024 jyldary 3 mlrd 370 mln teńge bólinse, sonyń 1 mlrd 709 mln 224 myń teńgesin Jańaarqa aýdany ıgerip jatyr. Turǵyndar onyń 90%-yna mal alsa, 10%-yna túrli baǵytta kásip ashypty.
«Bıyl óndiriletin ónim kólemin 34 mlrd teńgege, aýyl sharýashylyǵyndaǵy ınvestısııany 1 mlrd 360 mln teńgege jetkizý josparlanǵan. Tehnıkany 80 birlikke jańartý kózdeledi. 292 myń tonna shóp daıyndalyp, 1 941 gektarǵa dándi daqyl egiledi», deıdi aýyl sharýashylyǵy bóliminiń basshysy Sársenbek Amangeldiuly.
Jaqynda Jezqazǵan qalasynda «Aýyl bereke – 2025» jármeńkesi ótip, oǵan Jańaarqa aýdanynyń túkpir-túkpirindegi aýyldardan sharýa qojalyqtary qatysyp, ónimderin usyndy. Jármeńkede naryq baǵasynan 10-15%-ǵa tómen baǵamen 17,4 mln teńgege 3,5 tonna sıyr eti, 1,4 tonna jylqy eti, qoı eti jáne 1 tonnaǵa jýyq sút ónimderi saýdaǵa shyǵarylyp, satyldy.
Ulytaý oblysy,
Jańaarqa aýdany