Búgin, ıaǵnı 14 mamyrdan bastap «Tumar» – 2025 ulttyq televızııalyq syılyǵyna ótinim qabyldaý bastalyp otyr, dep habarlaıdy Egemen.kz.
Aıta ketelik, atalǵan báıge 2017 jyly Mádenıet jáne aqparat mınıstrliginiń bastamasymen qurylyp, sodan beri syılyqqa 2200-den astam ótinim qabyldanyp, 354 joba nomınant atansa, 98 jeńimpaz «Tumar» músinshesine ıe bolǵan eken.
Mádenıet jáne aqparat mınıstrliginiń baspasóz qyzmetiniń málimdeýinshe bıylǵy báıgege 2024 jylǵy 13 mamyr men 2025 jylǵy 14 mamyr aralyǵynda otandyq telearnalardyń efırinde kórsetilgen jobalar qatysa alady. О́tinimderdi respýblıkalyq jáne óńirlik telearnalar, telestýdııalar men kásibı televızııalyq kontent óndirýshi kompanııalar usynýǵa quqyly.
О́tinimder mynadaı nomınasııalar boıynsha qabyldanady:
- Eń úzdik áleýmettik telejoba - Jyldyń eń úzdik reportajy - Eń úzdik aqparattyq-taldamalyq baǵdarlama - Eń úzdik jýrnalıstik zertteý - Jyldyń eń úzdik telehıkaıasy - Eń úzdik derekti fılm - Eń úzdik balalar telejobasy - Eń úzdik óńirlik telearna - Eń úzdik telejýrnalıst - Eń úzdik telejúrgizýshi - Eń úzdik sporttyq kommentator
Tolyq aqparat tvtumar.kz resmı saıtynda, ótinimder 2025 jylǵy 9 maýsymǵa deıin qabyldanady.