Elimizden 30 maman Qytaı Halyq Respýblıkasyna eki aptalyq kýrstarǵa attanyp otyr. Eske salaıyq, buǵan deıin KHR-dan 30 adamnan quralǵan alǵashqy top oralǵany málim, dep jazady Egemen.kz.
Qytaıda biliktilikti arttyrý kýrstarynan bıyl Qazaqstannyń sý salasynyń 120 mamany ótetini kózdelgen. Atalǵan kýrstardy uıymdastyrý Qytaı tarapynyń qarajaty esebinen bolǵandyqtan, is-sharany uıymdastyrýǵa QR-nyń memlekettik bıýdjetinen qarajat bólinbegen.
«Qazaqstan mamandary Qytaıdan basqa, AQSh, Fransııa jáne Japonııada da oqýdan ótti. Qazirgi ýaqytta basqa da eldermen kelissózder júrgizilip jatyr. Byltyrǵydaı, bıyl da Qazaqstandaǵy arnaıy ortalyqtarda oqý kýrstary ótedi. 2025 jyly bul kýrstardan shamamen 1000 maman ótedi dep josparlanyp otyr. Bul byltyrǵymen salystyrǵanda eki ese kóp», dedi Sý resýrstary jáne ırrıgasııa vıse-mınıstri Nurlan Aldamjarov.