Búgin Úkimet otyrysynda Ǵylym jáne joǵary bilim vıse-mınıstri Talǵat Eshenqulov Qazaqstanda joǵary bilimniń qoljetimdiligi men sapasyn arttyrýǵa baǵyttalǵan stýdentterdi memlekettik qoldaý sharalary týraly baıandady, dep jazady Egemen.kz.
Keıingi 5 jylda Qazaqstanda grant sany 1,4 esege ósken. 2024-2025 oqý jylynda 93 116 grant bólingen. Talǵat Eshenqulov jańa oqý jylynan bastap bilim alýshylardyń stıpendııasy artatynyn málimdedi.
«Bakalavrıat úshin stıpendııa - 52 372 teńge, magıstratýrada -117 098 teńge jáne doktoranttar úshin - 262 500 teńgeni quraıtyn bolady. Iаǵnı, bıyl bakalavrıat deńgeıinde stıpendııa kólemi 2020 jylmen salystyrǵanda 2 esege, al magıstratýra jáne doktorantýra deńgeıinde 1,75 esege artady», dedi vıse-mınıstr. Sondaı-aq, stýdentterdi jataqhanamen qamtý jumystary da belsendi júrgizilip jatyr. Mınıstrlik dereginshe, jataqhanalardaǵy oryn tapshylyǵy 2019 jyly 82 500-den 2024 jyly 14 873-ke deıin azaıǵan. Erekshe bilim berý qajettilikteri bar balalar úshin jataqhanalarda oryn berý jónindegi memlekettik qyzmet proaktıvti format boıynsha usynylady. Aıta keteıik, byltyr da joǵary bilim alýshylar stıpendııasy 15-50 paıyzdyq shekte kóbeıgen edi.