Bul týraly Ekologııa jáne tabıǵı resýrstar mınıstrligine qarasty Orman sharýashylyǵy jáne janýarlar dúnıesi komıteti tóraǵasynyń orynbasary Maqsat Elemesov Ortalyq kommýnıkasııalar qyzmeti alańynda ótken baspasóz konferensııasynda aıtty, dep habarlaıdy Egemen.kz.
Memleket basshysynyń tapsyrmasy boıynsha Aral teńiziniń qurǵaǵan túbinde jalpy aýdany 1,1 mln ga sekseýil otyrǵyzylyp jatyr.
Spıkerdiń aıtýynsha 2021-2024 jyldary Aral teńiziniń qurǵaq tabanynda 475 myń ga kólemdegi jumystar oryndaldy. Ekpe materıalymen qamtamasyz etý úshin 33 ga alańda qýattylyǵy 3 mln qara sekseýil kósheti orman tálimbaǵynyń qurylysy aıaqtalǵan.
«Byltyr Aral teńiziniń qurǵatylǵan túbinde jumystar júrgizý úshin bıýdjetten tys qarajat tartyldy. Qazaqstan-Fransııa birlesken kásiporny «KATKO» 2,2 mlrd teńge, «QazMunaıGaz» UK» AQ 420 mlrd teńge bóldi», dedi M.Elemesov.
Al bıyl jalpy aýdany 120 myń ga galofıtti ósimdikterge tuqym otyrǵyzý aıaqtalǵan jáne 11 830 ga aýmaqqa qara sekseýil otyrǵyzylǵan. Budan basqa, Ekologııa mınıstrligi ulttyq jáne basqa da iri kompanııalardan qarajat tartý máselesin pysyqtap jatyr.