Zaısan aýdanynyń Sátbaı kentinde salynyp jatqan áýejaı 2025 jyldyń sońyna deıin paıdalanýǵa beriledi dep josparlanyp otyr. Bul týraly ShQO ákimdigi oblys ákimi Nurymbet Saqtaǵanovtyń qurylys alańyna jasaǵan saparynan keıin habarlady, dep jazady Egemen.kz.
Qurylys jumystary bekitilgen keste boıynsha júrgizilip jatyr. Keıbir ýchaskelerde jumystar merziminen buryn aıaqtalǵan. Qazirgi tańda nysanda 275 jumysshy eńbek etip júr, al qajet bolǵan jaǵdaıda jumysshylar sany arttyrylýy múmkin.
– Eger jolaýshylar sany artsa, ushý-qoný jolaǵynyń uzyndyǵyn ulǵaıtamyz. Bıyl alǵashqy reısterdi oryndaý josparda tur, - dedi oblys ákimi.
Jańa áýejaı Bombardier Q400, ATR-72 sekildi aımaqtyq áýe kemelerin qabyldaı alady.
Aıta keteıik, áýejaı qurylysynyń negizgi kezeńi 2025 jyldyń naýryz aıynda bastalǵan. Shyǵys Qazaqstan oblysynda Katonqaraǵaı men Kendirlik sııaqty týrıstik aımaqtarǵa jaqyn jerlerde de áýeaılaqtar salý josparlanyp otyr.
Janel TО́LEÝBEKOVA,
EUÝ stýdenti