О́ńirde alqaptardy zııankesterge qarsy hımııalyq óńdeý jumystary qarqyn aldy. Munymen qatar, aýmaqtyq ınspeksııa mamandary 2 mln 339 myń gektar alqapqa monıtorıng júrgizip, úıirli shegirtke dernásiliniń bar-joǵyn anyqtap jatyr, dep jazady Egemen.kz aqparat agenttigi.
Qostanaı oblysynyń 12 aýdanynda 650 myń gektar jerdi hımııalyq óńdeý josparlanǵan. Shegirtke dernásiliniń, ásirese, Naýryzym, Amankeldi, Jankeldın, Qamysty aýdandary men Arqalyq qalasyna qarasty egin alqaptarynyń mańaıynda kóp ekeni anyqtalǵan.
«Qazir atalǵan aýdandarda 150 myń gektar jerge monıtorıng júrgizildi. Nátıjesinde 57 myń gektar jerde shegirtke oshaǵy bar ekeni anyqtalyp otyr. Búginge deıin 51 myń gektar óńdelip, zııankester oshaǵy joıyldy. Oblysta meniń tóraǵalyǵymmen fıtosanıtarlyq sharalardy ótkizý jónindegi shtab jumys atqarady. Shegirtkege qarsy óńdeý jumystaryn júrgizýdiń barlyq máseleleri baqylaýǵa alynǵan. Jergilikti atqarýshy oryndarǵa qarasty qyzmette Aýyl sharýashylyǵy mınıstrligimen birlesip jumys isteıdi. Oblysta shegirke oshaǵy anyqtalǵan aýmaqty óńdeýge jumsalatyn hımııalyq ýlaǵysh qory jetkilikti», deıdi oblys ákiminiń orynbasary Arman Ábenov.», deıdi oblys ákiminiń orynbasary Arman Ábenov.
Qazirgi tańda alqapta aýmaqtyq ınspeksııanyń 263 mamany, olarǵa jergilikti atqarýshy oryndar tarapynan qosylǵan 654 adam monıtrıng júrgizip jatyr.
Qostanaı oblysy