31 mamyrdaǵy jedel derekterge sáıkes, Qazaqstan aýmaǵynda úıirli shegirtke zııankesteriniń bar-joǵyn anyqtaý maqsatynda 5,6 mln gektar aýyl sharýashylyǵy jeri zertteldi. Onyń ishinde 844 myń gektar alqapta hımııalyq óńdeý jumystary júrgizildi, dep jazady Egemen.kz aqparat agenttigi.
Túrkistan oblysynda marokko shegirtkesine qarsy óńdeý jumystary aıaqtalýǵa jaqyn, onda 371 786 gektar jer óńdeldi, qazirgi ýaqytta aýmaqty tolyq tazartý jumystary júrgizilýde.
Jambyl oblysynda marokko shegirtkesine qarsy sharalar tolyq aıaqtaldy. Sonymen qatar, ıtalıandyq prýsqa qarsy hımııalyq óńdeý jumystary 27 898 gektar aýmaqta jalǵasýda.
Úıirli shegirtkege qarsy kúres sharalary elimizdiń 15 óńirinde belsendi túrde júrgizilýde.
Boljam boıynsha, 2025 jyly Qazaqstan aýmaǵynda úıirli shegirtke zııankesteri 2,1 mln gektarǵa deıin jerdi basyp alýy múmkin. Eń joǵary qaýip Qostanaı, Aqtóbe, Túrkistan jáne Batys Qazaqstan oblystarynda saqtalyp otyr.
Jalpy, 443 birlik arnaıy óńdeý tehnıkasy jumyldyryldy, onyń ishinde 55 jeńil avıasııalyq ushaq pen 49 dron bar.
Jergilikti jerlerde jumystardy oblys ákimderiniń orynbasarlary basqaratyn jedel shtabtar úılestirýde. Monıtorıng pen kúres sharalaryna 4 625 maman tartyldy.
Shegirtke zııankesteri oshaqtaryn anyqtaý jáne joıý boıynsha keshendi sharalar josparly túrde jalǵasýda.