Qaraǵandy qalasyndaǵy Álıhan Bókeıhan aýdanynyń prokýratýrasy qabyldaǵan sharalardyń nátıjesinde 40 jetim jáne ata-anasynyń qamqorlyǵynsyz qalǵan balaǵa kópten kútken baspana berilgen, dep habarlaıdy Egemen.kz.
Prokýratýra turǵyn úı berý salasyndaǵy zańbuzýshylyqtardy anyqtap, máseleni sheshý úshin jergilikti atqarýshy organdardyń qatysýymen tıisti jumystar júrgizgen. Nátıjesinde, balalarǵa zańmen bekitilgen turǵyn úı quqyqtary qamtamasyz etilgen.
«Bul – tek baspana ǵana emes, olardyń qalypty jáne qaýipsiz ómir súrýine jasalǵan naqty qadam. Aýdan prokýratýrasy balalardyń quqyqtaryn qorǵaý baǵytyndaǵy jumysyn jalǵastyrady», dep habarlady oblystyq prokýratýranyń baspasóz qyzmeti.