2025 jyldyń 1 mamyryndaǵy jaǵdaı boıynsha Qazaqstan halqynyń sany 20 353 265 adamdy quraǵan. Jyl basynan beri el halqy 69,8 myń adamǵa artqan. Onyń 63,4 myńy – tabıǵı ósim, al 6,3 myńy – kóshi-qon esebinen tirkelgen, dep habarlaıdy Egemen.kz.
Ulttyq statıstıka bıýrosynyń habarlaýynsha, el boıynsha halyq sanynyń eń joǵary ósimi Astana qalasynda baıqalǵan.
«Jyl basynan beri elorda turǵyndarynyń qatary 29,7 myń adamǵa kóbeıgen, onyń 78,3 paıyzy – kóshi-qon esebinen. Bul Astananyń eńbek naryǵy men ınfraqurylymy mıgranttar úshin tartymdy ekenin kórsetedi», delingen habarlamada.
Sondaı-aq kóshi-qon boıynsha oń saldo Almaty jáne Mańǵystaý oblystarynda, sondaı-aq respýblıkalyq mańyzy bar Almaty, Shymkent jáne Astana qalalarynda tirkelgen.