Qasym-Jomart Toqaev Karol Tadeýsh Navroskııdi Polsha Prezıdenti bolyp saılanýymen quttyqtady, dep jazady Egemen.kz Aqordanyń baspasóz qyzmetine silteme jasap.
«Elińizdiń áleýmettik-ekonomıkalyq damýyn baıandy etip, halqyńyzdyń yrys-berekesin eseleý jolyndaǵy ıgi bastamalaryńyz ben qolǵa alǵan josparlaryńyzdyń tabysty júzege asýyna shynaıy tilektespin. Qazaqstan men Polsha arasyndaǵy dástúrli dostyq pen ózara túsinistik rýhyndaǵy qarym-qatynastardy odan ári nyǵaıtý maqsatynda О́zińizben birlese kúsh-jiger jumyldyrýǵa daıyn ekenimdi rastaımyn», dep jazylǵan jedelhatta.
Qasym-Jomart Toqaev Karol Tadeýsh Navroskııdiń asa jaýapty qyzmetine sáttilik, dostas Polsha halqyna qut-bereke tiledi.