NURSAIа – NURLY SAIа BOLMAQ

Keshe Elbasy Nursultan Nazarbaev Astanadaǵy máseleli úı dep tanylyp, qurylysy endi aıaqtalyp jatqan Nursaıa turǵyn úı kesheniniń ashylýyna qatysty. Memleket basshysy arnaıy kelip kórgen “Nursaıa” TK “AQQB “Jańa qurylys” JShS qurylys sektoryn turaqtandyrý jáne Astana qalasyndaǵy problemalyq nysan úleskerlerin qoldaý sharalaryn júzege asyrýǵa respýblıkalyq bıýdjetten bólingen 15,2 mlrd. teńge transfert sheńberinde salyndy. Jańa turǵyn úı kesheninde 487 páter bar, onyń 240-y burynǵy úleskerler enshisinde. Astana qala­synyń ákimi Imanǵalı Tasma­ǵam­betov Memleket basshysyn qury­ly­sy endi aıaqtalyp, úleskerlerge páter kilti tabystalatyn jańa tur­ǵyn úı kesheni týraly keńirek ta­nys­tyryp ótti. Elbasy qala ákimi­nen úleskerler sany men odan ar­tyq qalatyn páterler týraly su­ra­dy. Budan soń keshendegi “Bala­pan” baǵdarlamasyn júzege asyrý maqsatynda onyń birinshi qabatta ornalasqan mektepke deıingi bala­lardy tárbıeleıtin shaǵyn orta­lyq­ty aralap kórdi. Shaǵyn orta­lyq­tyń kólemi 2 536 sharshy metr, ol mektep jasyna deıingi 600-den astam balany qamtýǵa múmkindigi bar. “Nursaıa” TK-daǵy merdigerlik jumystardy aıaqtaý úshin 4 qury­lys kompanııasy – “Kazstroı­podrıad” JShS, “Astanatrans­stroı” BK JShS, “Polıtrend As­tana” JShS jáne “KapıtalStroı-EN” JShS jumysqa tartyldy. Jańa turǵyn úı keshenin salǵan merdiger kompanııalardyń biri “Kazstroıpodrıad” JShS-tyń dı­rek­tory Hıkmet Atalaı jańa ke­shen­niń 2 jyl kepildigi bar eken­digin, sondaı-aq qabyldaǵan kezde úıdiń keıbir bólikteri 25 paıyzy ǵana daıyn kúıde bolǵandyǵyn aı­typ ótti. Al kólik qoıatyn oryn­nyń 60-70 paıyzy daıyn bolǵan. Jumys barysynda 200-300 adam jumyspen qamtylypty. Astana kúni qarsa­ńynda aıaqtalyp, turǵyn­dar ıgiligine beriletin páterler sany bunymen shektelmek emes. “AQQB “Jańa qurylys” JShS úleskerlerge 6 turǵyn úı keshenin qoldanysqa bermek, ondaǵy jalpy páterler sany 2 285. Sondaı-aq jyl sońynda taǵy 2 problemalyq nysannyń, atap aıtsaq “Tursyn Astana” TK jáne “Grand Astana” TK qurylysy aıaqtalyp, “jyry bitetin” kórinedi. Daǵdarys kezinde turalap qal­ǵan jyljymaıtyn múlik, atap aıt­qanda turǵyn úı qurylysy salasyn qoldaý jáne úleskerler proble­ma­syn sheshý jónindegi memlekettik sharalardy júzege asyrý barysyn­da prob­lemalyq dep tanylǵan 19 nysannyń 17-siniń qurylysy jýyq ýaqytta aıaqtalmaq. Osylaısha bı­yl­ǵy jyly úleskerler jalpy aýda­ny 477 myń sharshy metrdi qu­raıtyn 4 732 pátermen qamtamasyz etiledi. Venera TÚGELBAI.