«Amazon» kompanııasy qoımalaryn aqyldy robottarmen jabdyqtaýdy qolǵa aldy. Kompanııa quramyndaǵy qupııa zerthana – «Lab126» jańa býyn jasandy ıntellekt agentterin jasaý baǵytynda jumys istep jatyr.
Robottar ártúrli tapsyrmany oryndaýǵa jáne adam bergen buıryqty túsinip, júzege asyrýǵa qaýqarly bolmaq. Mundaı robottardyń qoımada atqaratyn negizgi mindetteri – júk kólikterinen taýar túsirý, jóndeýdi qajet etetin bólshekterdi anyqtaý jáne kúrdeli logıstıkalyq jumystarǵa ıkemdelý. «Amazon»-nyń málimdeýinshe, bul jańashyldyq logıstıkadaǵy jumys ónimdiligin arttyryp qana qoımaı, kómirqyshqyl gazynyń taralýyn azaıtady.