Jyl bastalǵaly 613,7 myń kópbalaly otbasyǵa 221 mlrd teńge, 242,2 myń nagradtalǵan anaǵa 32,4 mlrd teńge memlekettik járdemaqy berilgen, dep jazady Egemen.kz.
Eńbek jáne halyqty áleýmettik qorǵaý mınıstrliginiń baspasóz qyzmetiniń málimdeýinshe 2025 jyldyń mamyr aıynda atalǵan járdemaqylarmen barlyǵy 865,3 myń otbasy jalpy somasy 51,5 mlrd teńge mólsherinde, onyń ishinde: kópbalaly otbasylarǵa beriletin járdemaqymen 622,3 myń otbasy 45 mlrd teńgege; nagradtalǵan anaǵa beriletin járdemaqymen 243 myń adamǵa 6,5 mlrd teńge mólsherinde qamtylǵan.
Memlekettik járdemaqyǵa 4 jáne odan da kóp birge turatyn kámeletke tolmaǵan nemese 23 jasqa deıingi kúndizgi bólimde oqıtyn stýdent balalary bar otbasylar tabysyna qaramastan úmitker bola alady.
Tólem mólsheri bala sanyna qaraı eseptelip tólenedi jáne 2025 jyly:
- 4 balasy bar otbasylarǵa – 16,03 AEK nemese 63 030 teńge;
- 5 balaǵa – 20,04 AEK nemese 78 798 teńge;
- 6 balaǵa – 24,05 AEK nemese 94 565 teńge;
- 7 balaǵa – 28,06 AEK nemese 110 332 teńge;
- 8 jáne odan da kóp balasy bar otbasylarǵa – ár balaǵa 4 AEK nemese 15 728 teńge mólsherinde tólendi.
Nagradtalǵan anaǵa beriletin járdemaqynyń aı saıynǵy mólsheri mynadaı:
«Kúmis alqa» alqasymen nagradtalǵan analarǵa – 6,40 AEK nemese 25 165 teńge;
«Altyn alqa» alqasymen nagradtalǵan nemese buryn «Batyr Ana» ataǵyn alǵan, I jáne II dárejeli «Ana dańqy» ordenderimen nagradtalǵan analarǵa – 7,40 AEK nemese 29 097 teńge.
Aıta ketken jón, bıyl 1 qańtardan bastap balaly otbasylarǵa taǵaıyndalatyn memlekettik járdemaqylardyń mólsheri 6,5%-ǵa artqan.