Aqtaýda Qazaqstan men Ázerbaıjan Áskerı-teńiz kúshteriniń «Kaspıı samaly-2025» birlesken oqý-jattyǵýlarynyń saltanatty ashylý rásimi ótti, dep habarlaıdy Egemen.kz.
Áskerı kontıngentterdi Qazaqstan Áskerı-teńiz kúshteri bas qolbasshysynyń birinshi orynbasary – Bas shtab bastyǵy, 1-dárejeli kapıtan Qanat Nııazbekov jáne Ázerbaıjan Áskerı-teńiz kúshteri qolbasshysynyń birinshi orynbasary, shtab bastyǵy 1-dárejeli kapıtan Teımýr Mýrshýdov quttyqtady.
Birlesken oqý-jattyǵýlardyń negizgi maqsaty – teńiz ekonomıkalyq qyzmeti nysandary men keme qatynasy pýnkteriniń qaýipsizdigin arttyrý, sondaı-aq eki el arasyndaǵy áskerı áriptestikti damytý bolyp tabylady. Qanat Nııazbekovtiń aıtýynsha, oqý-jattyǵýlar ekijaqty ózara is-qımyldy nyǵaıtyp, kásibı tájirıbe almasýǵa múmkindik beredi.
Is-shara aıasynda shaǵyn fýtbol, armrestlıng, arqan tartý jáne júzýden sporttyq jarystar uıymdastyrylyp, áskerı qyzmetshiler arasynda dostyq qarym-qatynas ornatyldy.
Araılym MYRZAHAN, EUÝ 2 kýrs