AQTAÝ. 4 tamyz. Aqtaýda júrgizýshi jol boıynan asyqpaı ótkeni úshin jaıaý júrginshini uryp tastady. Bul týraly egemen.kz tilshisi habarlady.
Jaıaý júrginshiler jolaǵy arqyly jol ústinen ótpek bolǵan jolaýshy júrgizýshi tarapynan soqqyǵa jyǵyldy. Júrgizýshi jaıaý er adamnyń asyqpaı ótkendigine ashýlanǵan. Aldymen aıqaılap, keıin balaǵattaı bastaǵan júrgizýshi keıin júrginshini uryp tastaıdy. Taıaq jegen jaıaý júrginshi – Munaıly aýdanyndaǵy Atameken aýylynyń 38 jastaǵy turǵyny aýrýhanaǵa qaralyp, ózine qol kótergen júrgizýshiniń ústinen quqyq qorǵaý oryndaryna aryz jazdy.
Qazirgi tańda atalmysh is boıynsha tergeý júrgizilýde.
Gúlaıym Shyntemirqyzy.
Derek: egemen.kz.
Sýret: 24.kz.